ନିର୍ବାଚନ ତ ଜାରି ରହିବ କିନ୍ତୁ ବଜେଟ ଅଧିବେଶନ ଗୁରୁତ୍ୱପୂର୍ଣ୍ଣ: ପ୍ରଧାନମନ୍ତ୍ରୀ
1 min read
ନୂଆଦିଲ୍ଲୀ: ନିର୍ବାଚନ ଜାରି ରହିବ କିନ୍ତୁ ବଜେଟ ଅଧିବେଶନ ଗୁରୁତ୍ୱପୂର୍ଣ୍ଣ । ଏଣୁ ସମସ୍ତ ସାଂସଦ ବଜେଟ ଅଧିବେଶନରେ ଉପସ୍ଥିତ ରହି ଏହାକୁ ଫଳପ୍ରଦ କରିବାକୁ ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମାେଦି । ସୋମବାର ବଜେଟ ଅଧିବେଶନରେ ଯୋଗଦେବା ଅବସରରେ ଗଣମାଧ୍ୟମ ଜରିଆରେ ଏହା କହିଛନ୍ତି ପ୍ରଧାନମନ୍ତ୍ରୀ ।
ବର୍ତ୍ତମାନର ବୈଶ୍ୱିକ ପରିସ୍ଥିତିରେ ଭାରତର ଅର୍ଥନୀତିକୁ ଆଗେଇ ନେବା ପାଇଁ ଅନେକ ସୁଯୋଗ ରହିଛି । ନିର୍ବାଚନ ପ୍ରଚାର କାର୍ଯ୍ୟ ବଜେଟ ଅଧିବେଶନକୁ ପ୍ରଭାବିତ କରିପାରେ । ଏହାକୁ ନଜରରେ ରଖି ସମସ୍ତ ସାଂସଦଙ୍କୁ ବଜେଟ ଅଧିବେଶନରେ ଉପସ୍ଥିତ ବିତର୍କରେ ଭାଗ ନେବାକୁ ନିବେଦନ କରିଛନ୍ତି ପ୍ରଧାନମନ୍ତ୍ରୀ । ସଫଳ ବଜେଟ ଅଧିବେଶନ ଦ୍ୱାରା ସାରା ଦେଶ ବର୍ଷକ ପାଇଁ ଏହାର ଫାଇଦା ପାଇବ । ଏଥିସହିତ ରାଜନୀତିରୁ ଊର୍ଦ୍ଧ୍ୱରେ ରହି ଖୋଲା ବିତର୍କ ପାଇଁ ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ । ଯାହା ଦ୍ୱାରା ଦେଶ ପ୍ରଗତି ଦିଗରେ ଆଗେଇ ପାରିବ । ସୂଚନା ଯୋଗ୍ୟ ଆଗକୁ ୫ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ।
