ନନ୍ଦିଘୋଷ ବ୍ୟୁରୋ: ଦେଶରେ ୧୦. ୫ ଲକ୍ଷ ପୋଲିଂ ବୁଥ୍ ବ୍ୟବସ୍ଥା ହୋଇଥିବାବେଳେ ଦେଶରେ ୯୭ କୋଟି ପଞ୍ଜିକୃତ ଭୋଟର ଅଛନ୍ତି। ୮୩ ଲକ୍ଷ ଭୋଟରଙ୍କ ବୟସ ୮୦ ବର୍ଷରୁ ଅଧିକ। ଦେଶରେ ଅଛନ୍ତି ୪୮ ହଜାର କିନ୍ନର ଭୋଟର। ୮୫ ବର୍ଷରୁ ଅଧିକ ବୟସର ଭୋଟରଙ୍କ ଘରକୁ ଯିବେ ପ୍ରତିନିଧି। ଭୋଟ ପ୍ରକ୍ରିୟାରେ ହେଲିକପ୍ଟର, ହାତୀର ବ୍ୟବହାର କରାଯିବ। ୧୦୦ ବର୍ଷରୁ ଅଧିକ ବୟସର ଭୋଟରଙ୍କ ସଂଖ୍ୟା ୨ ଲକ୍ଷ ୧୮ ହଜାର। ଦେଶରେ ୪୭.୧ କୋଟି ମହିଳା ଭୋଟର ଥିବାବେଳେ ଆଚରଣବିଧି ଉଲ୍ଲଂଘନ, ଅର୍ଥବଳ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ। ବେଆଇନ କାର୍ଯ୍ୟକଳାପ, ଅନ୍ତରାଷ୍ଟ୍ରୀୟ ସୀମାରେ ଡ୍ରୋନ ବ୍ୟବସ୍ଥା କରାଯାଇଥିବାବେଳେ ୫୫ ଲକ୍ଷ ଇଭିଏମ ଜରିଆରେ ହେବ ନିର୍ବାଚନ। ମାଗଣା ସାମଗ୍ରୀ ଘୋଷଣା ଉପରେ ରୋକ୍ ଲାଗିବ। ପ୍ରତି ତାରକା ପ୍ରଚାରକଙ୍କୁ ଗାଇଡଲାଇନ ପ୍ରଦାନ କରାଯିବ। ନିର୍ବାଚନ ପରିଚାଳନା ଲାଗି ଦେଶବ୍ୟାପୀ ୨୧ଶହ ପର୍ଯ୍ୟବେକ୍ଷକଙ୍କୁ ନିଯୁକ୍ତି ଦିଆଯିବ।
