୪ ରାଜ୍ୟର ଭୋଟ ଗଣତି: ୩ ରାଜ୍ୟରେ ବିଜେପି ଓ ଗୋଟିଏ ରାଜ୍ୟରେ କଂଗ୍ରେସ ଆଗରେ

ଭୁବନେଶ୍ବର: ଆରମ୍ଭ ହୋଇ ସାରିଛି ୪ ରାଜ୍ୟ ମଧ୍ୟପ୍ରଦେଶ, ରାଜସ୍ଥାନ, ଛତିାଗଡ଼ ଓ ତେଲେଙ୍ଗାନାରେ ଭୋଟ ଗଣତି । ବର୍ତ୍ତମାନ ସୁଦ୍ଧା ଆସିଥିବା ଫଳାଫଳ ଅନୁସାରେ ୩ଟି ରାଜ୍ୟରେ ବିଜେପି ସରକାର ଗଠନ କରିବାକୁ ଯାଉଥିବା ବେଳେ ଗୋଟିଏ ରାଜ୍ୟରେ କଂଗ୍ରେସ ସରକାର ଗଠନ କରିବାକୁ ଯାଉଛି ।

ଛତିଶଗଡ଼, ମଧ୍ୟପ୍ରଦେଶ ଓ ରାଜସ୍ଥାନରେ ବିଜେପି ସଂଖ୍ୟାଗରିଷ୍ଠତା ଆଡକୁ ଆଗଉଛି । ସେହିପରି ତେଲେଙ୍ଗାନାରେ କଂଗ୍ରେସ ଆଗରେ ରହିଛି । ଛତିଶଗଡ଼ରେ ୫୨ ଆସନରେ ବିଜେପି ଆଗରେ ଥିବା ବେଳେ ୩୭ ଆସନରେ କଂଗ୍ରେସ ଆଗରେ ରହିଛି । ଗୋଟିଏ ଆସନରେ ଅନ୍ୟ ଆଗରେ ରହିଛି । ସେହିପରି ମଧ୍ୟପ୍ରଦେଶରେ ସ୍ପଷ୍ଟ ବହୁମତ ଆଡକୁ ଆଗଉଛି ବିଜେପି । ୧୪୫ ଆସନରେ ବିଜେପି ଆଗୁଆ ରହିଥିବା ବେଳେ ୮୨ ଆସନରେ ଆଗରେ ରହିଛି ।

ରାଜସ୍ଥାନରେ ମଧ୍ୟ ସ୍ପଷ୍ଟ ବହୁମତ ଆଡ଼କୁ ବିଜେପି ଅଗ୍ରସର ହେଉଛି । ଦଳ ୧୧୨ ଆସନରେ ଆଗୁଆ ରହିଥିବା ବେଳେ କଂଗ୍ରେସ ୭୨ ଓ ଅନ୍ୟମାନେ ୧୫ ଆସନରେ ଆଗରେ ଅଛନ୍ତି । ତେବେ ତେଲେଙ୍ଗାନାରେ କଂଗ୍ରେସ ବିଆରଏସକୁ ପଛରେ ପକାଇ ସ୍ପଷ୍ଟ ବହୁମତ ଆଡକୁ ଆଗଉଛି । ଏଠାରେ ୬୮ ଆସନରେ କଂଗ୍ରେସ ଆଗରେ ରହିଥିବା ବେଳେ ବିଆରଏସ ୩୮ ଆସନରେ ଆଗରେ ରହିଛି । ସେହିପରି ବିଜେପି ୯ଟି ଆଓନରେ ଆଗରେ ଥିବାବେଳେ ଅନ୍ୟ ଗୋଟିଏ ଆସନରେ ଆଗରେ ରହିଛି ।