ନିର୍ବାଚନ ଆଚରଣ ବିଧିକୁ ବେଖାତିର, ଜୟନାରାୟଣ ପିଟିଲେ ନଡ଼ିଆ

ସମ୍ବଲପୁର: ବିଜେପି ବିଧାୟକ ଜୟନାରାୟଣ ମିଶ୍ରଙ୍କ ଆଦର୍ଶ ନିର୍ବାଚନ ଆଚରଣବିଧିକୁ ବେଖାତିର । ନଡ଼ିଆ ପିଟି କମ୍ୟୁନିଟି ସେଣ୍ଟ ନିର୍ମାଣର କରିଛନ୍ତି ଭୂମି ପୂଜନ । ସମ୍ବଲପୁରରୁ ଜୟନାରାୟଣ ମିଶ୍ରଙ୍କ ବିରୋଧରେ ଆସିଛି ଏମିତି ଅଭିଯୋଗ ।

ଅଭିଯୋଗ ଅନୁସାରେ, ସାଧାରଣ ନିର୍ବାଚନ ପାଇଁ ତାରିଖ ଘୋଷଣା ସହ ଦେଶରେ ଲାଗୁ ହୋଇଛି ଆଦର୍ଶ ନିର୍ବାଚନ ଆଚରଣବିଧି । ହେଲେ ସମ୍ବଲପୁର ବିଧାୟକ ଜୟନାରାୟଣଙ୍କ ଆଚରଣବିଧିକୁ ନାହିଁ ଖାତିର । ସମ୍ବଲପୁର ମହାନଗର ନିଗମ ବରେଇପାଲି ମଖନାପଡାରେ ଏକ କମ୍ୟୁନିଟି ସେଣ୍ଟର ନିର୍ମାଣ ପାଇଁ ନିଜ ସମର୍ଥକଙ୍କ ସହ ମିଶି ଭୂମିପୂଜା କରିଛନ୍ତି ।

ଜୟନାରାୟଣଙ୍କ ଭଳି ଜଣେ ବରିଷ୍ଠ ବିଜେପି ବିଧାୟକ ହୋଇଥିବା ବେଳେ ଆଦର୍ଶ ଆଚରଣ ବିଧି ନମାନିବାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ସୃଷ୍ଟି କରିଛି । ଆଦର୍ଶ ଆଚରଣବିଧି ଲାଗୁ ହୋଇଥିବାବେଳେ କିଭଳି ଜୟନାରାୟଣ ଭୂମି ପୂଜନ କଲେ ସେନେଇ ପ୍ରଶ୍ନ ଉଠିଛି ।