ସାନ ଭଉଣୀର ମୁଣ୍ଡ-ଗଣ୍ଡି ଅଲଗା, ଫ୍ୟାନରେ ଝୁଲୁଛି ବଡ ଭଉଣୀ

କେନ୍ଦୁଝର: ନୟାକୋଟ ଥାନା ଫୁଲଝରରେ ଅଭାବନୀୟ ଘଟଣା। ସାନଭଉଣୀଙ୍କୁ ହତ୍ୟାକରି ଆତ୍ମହତ୍ୟା କଲା ବଡ଼ଭଉଣୀ । ମୃତକ ଦ୍ୱୟ ହେଲେ ରୁକ୍ମଣୀ ଦେହୁରୀ ଓ ବଡ଼ଭଉଣୀ କ୍ଷୀରମଣି ଦେହୁରୀ। ମାଆ ଜେମା ଦେହୁରୀ ବିଲକୁ କାମ କରିବାକୁ ଯାଇ, ସନ୍ଧ୍ୟାରେ ଫେରିବା ବେଳକୁ ଘର ଭିତରୁ କବାଟ ବନ୍ଦ ଥିଲା ।

କବାଟ ଭାଙ୍ଗି ଦେଖିଲା ବେଳେ ଉଭୟଙ୍କ ମୃତଦେହ ଦେଖିବାକୁ ପାଇଥିଲେ । ରୁକ୍ମଣୀଙ୍କୁ ମୁଣ୍ଡ ଗଣ୍ଡି ଅଲଗା ହୋଇପଡିଥିବା ବେଳେ, ବଡଝିଅ କ୍ଷୀରମଣିଙ୍କ ମୃତଦେହ ଫ୍ୟାନରେ ଝୁଲିରହିଥିଲା । ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।