ରୁଟି ତାୱାରେ ଭାଇକୁ ମାରିଦେଲା ଭାଇ, ଥାନାରେ କଲା ପାଲଟା ଅଭିଯୋଗ

ବରଗଡ: ଭାଇ ସାଜିଲା ବଇରୀ । ପାରିବାରିକ କଳହକୁ ନେଇ ସାନ ଭାଇକୁ ହତ୍ୟା କଲା ବଡ଼ ଭାଇ । ବରଗଡ ଜିଲ୍ଲା ପାଇକମାଲ ଥାନା ଡୁଙ୍ଗୁରିପାଲିରେ ଗତକାଲି ରାତିରେ ଦୁଇ ଭାଇ ମନୋଜ ଓ ଉପେଦ୍ର ସୁନାଙ୍କ ଭିତରେ ଝଗଡା ହୋଇଥିଲା । କଳହ ଏତେ ତୀବ୍ରତର ହୋଇଥିଲା ଯେ, ବଡ଼ ଭାଇ ଉପେନ୍ଦ୍ର ସାନ ଭାଇ ମନୋଜ ସୁନାକୁ ଏକ ରୁଟି ତିଆରି ତାୱାରେ ପିଟିଦେଇଥିଲା ।

ପରେ ଭାଇକୁ ରକ୍ତାକ୍ତ ଅବସ୍ଥାରେ ଦେଖି ପାଇକମାଳ ଥାନାରେ ଆତ୍ମସମର୍ପଣ କରିଥିଲା ହତ୍ୟାକାରୀ ଭାଇ । ଥାନାରେ ଓଲଟା ସାନ ଭାଇ ନାଁରେ ଅଭିଯୋଗ କରିଥିଲା । ଖବର ପାଇ ପାଇକମାଲ ଥାନା ପୋଲିସ ପହଞ୍ଚି ମନୋଜଙ୍କ ମୃତଦେହ ଉଦ୍ଧାର କରିଛି । ଘଟଣାର ତଦନ୍ତ ଜାରି ରହିଛି ।