ଉତ୍ତରାଖଣ୍ଡ ହିମସ୍ଖଳନ: ଏବେ ବି ବରଫ ତଳେ ଫସି ରହିଛନ୍ତି ୮ ଶ୍ରମିକ, ଜାରି ରହିଛି ରେସକ୍ୟୁ ଅପରେସନ

ଚମୋଲୀ: ଉତ୍ତରାଖଣ୍ଡର ଚମୋଲୀରେ ଏହା ମଧ୍ୟରେ ହିମସ୍ଫଳନକୁ ୨୪ ଘଣ୍ଟା ହୋଇସାରିଲାଣି । ଏବେ ବି ବରଫ ତଳେ ୮ ଜଣ ଶ୍ରମିକ ଫସି ରହିଛନ୍ତି । ୪୭ ଜଣ ଶ୍ରମିକଙ୍କୁ ଉଦ୍ଧାର କରାଯାଇଛି । ବର୍ଡର ରୋଡ ଅର୍ଗାନାଇଜେସନ ପ୍ରାଜେକ୍ଟରେ ମୋଟ ୫୭ ଜଣ ଲୋକ କାମ କରୁଥିବା ବେଳେ ସେଥିମଧ୍ୟରୁ ଦୁଇଜଣ ଛୁଟିରେ ଥିଲେ । ସମସ୍ତେ ହିମସ୍ଖଳନ ଦ୍ବାରା ପ୍ରଭାବିତ ହୋଇଥିଲେ । ତେବେ ୪୭ ଜଣଙ୍କୁ ଉଦ୍ଧାର କରାଯାଇ ସାରିଛି ଓ ୮ ଜଣ  ଏବେ ବି ଫସି ରହିଛନ୍ତି । ଏହା ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରେସକ୍ୟୁ ଅଭିଯାନକୁ ନେଇ ସିଏମ୍ ପୁଷ୍କର ସିଂହ ଧାମୀଙ୍କ ସହ କଥା ହୋଇଛନ୍ତି ।

ଫସି ରହିଥିବା ଶ୍ରମିକମାନଙ୍କୁ ରେସକ୍ୟୁ କରିବା ପାଇଁ ITBP, BRO, SDRF ଓ NDRFର ଟିମ ଅପରେସନରେ ସାମିଲ ରହିଛନ୍ତି । ଏଭଳି ସ୍ଥିତିରେ ମୌସୁମୀ ଏକ ଚ୍ୟାଲେଞ୍ଜ ସୃଷ୍ଟି କରିଛି । ସେନା ହେଲିକପ୍ଟର Mi-17 ହେଲିକପ୍ଟର ଷ୍ଟାଣ୍ଡ ବାଏରେ ରହିଛି । ମୌସୁମୀ ଠିକ ହୋଇଗଲେ, ରେସକ୍ୟୁ ଅପରେସନ ଦ୍ରୁତ ଭାବେ କରାଯିବ । ସିଏମ୍ ଧାମୀ ଚମୋଲୀରେ ଗ୍ରାଉଣ୍ଡ ଜିରୋରେ ପହଞ୍ଚିବା ସହ ଅପରେସନ ବାବଦରେ ବୁଝିଥିଲେ ।  ବରଫ ତଳେ ଫସି ରହିଥିବା ଶ୍ରମିକଙ୍କୁ ଉଦ୍ଧାର ପାଇଁ ରେସକ୍ୟୁ ଅଭିଯାନ ଜାରି ରହିଥିବା ଉତ୍ତରାଖଣ୍ଡ ବିପର୍ଯ୍ୟୟ ପରିଚାଳନା ସଚିବ ସୂଚନା ଦେଇଛନ୍ତି । ଶୁକ୍ରବାର ସକାଳ ପାଖାପାଖି ୬.୩୦ ସମୟରେ ହିମସ୍ଖଳନ ଆସିଥିଲା ।