କଂଗ୍ରେସ ସରକାର ଭାଙ୍ଗିବାକୁ ଉଦ୍ୟମ ଅଭିଯୋଗ : ୨ ବିଜେପି ନେତାଙ୍କୁ ଗିରଫ କଲା ଏସ୍ଓଜି
1 min read
ଜୟପୁର: ମଧ୍ୟପ୍ରଦେଶରେ ପରେ ରାଜସ୍ଥାନରେ ‘ଅପରେସନ୍ କମଲ’ର ପଦ ଧ୍ୱନୀ । ରାଜସ୍ଥାନରେ କଂଗ୍ରେସ ସରକାର ଭାଙ୍ଗିବାକୁ ଉଦ୍ୟମ ଅଭିଯୋଗ । ଆଉ ଏଭଳି ଅଭିଯୋଗ ପରେ ଗିରଫ ହୋଇଛନ୍ତି ୨ ବିଜେପି ନେତା । ଏହା ପରେ ତଥାକଥିକ ଅପରେସନ୍ କମଲକୁ ନେଇ ପୁଣି ଥରେ ଚର୍ଚ୍ଚା । ସମ୍ପୃକ୍ତ ବିଜେପି ନେତାଙ୍କୁ ପ୍ରଥମେ ପଚରାଉଚରାର ଓ ପରେ ଗିରଫ କରିଛି ରାଜସ୍ଥାନ ସ୍ପେଶାଲ ଅପରେସନ୍ ଗ୍ରୁପ୍ ।
କଲ୍ ରେକର୍ଡିଂ ଆଧାରରେ କାର୍ଯ୍ୟାନୁଷ୍ଠାନ
ରାଜସ୍ଥାନରେ ବିଧାୟକଙ୍କୁ କିଣିବା ନେଇ ବେଓ୍ୱାରର ୨ ବିଜେପି ନେତାଙ୍କ ନାମ ସାମ୍ନାକୁ ଆସିଛି। ସେମାନେ ହେଲେ ଭାରତ ମଲାନି ଏବଂ ଅଶୋକ ସିଂହ । ସେମାନଙ୍କୁ ବେଓ୍ୱାରର ଉଦୟପୁରରୁ ସ୍ପେଶାଲ ଅପରେସନ୍ ଗ୍ରୁପ୍ ଗିରଫ କରିଛି। ରାଜସ୍ଥାନ SOG ସୂଚନା ଅନୁଯାୟୀ ମଲାନୀଙ୍କ କଲ୍ ରେକର୍ଡିଂରୁ ବିଧାୟକଙ୍କୁ କିଣିବାକୁ ଚେଷ୍ଟା କରାଯାଉଥିବା ଜଣାପଡ଼ିଛି ।
ବିଜେପି ନେତା ଭରତ ମଲାନୀ ଗିରଫ
ଘଟଣାର ପର୍ଦ୍ଧାଫାସ ପରେ ଏସ୍ଓଜି ଭରତ ମାଲାନୀକୁ ଗିରଫ କରିଛି । ସେମାନଙ୍କୁ ବର୍ତ୍ତମାନ ଜୟପୁରରେ ପଚରାଉଚରା କରାଯାଉଛି । ଭରତ ମଲାନୀ ରାଜସ୍ଥାନ ବିଜେପିରେ ବିଭିନ୍ନ ପଦ ପଦବିରେ ରହି ଦଳୀୟ କାର୍ଯ୍ୟ ତୁଲାଉଛନ୍ତି । ତେବେ ରାଜସ୍ଥାନରେ ସରକାର ଭାଙ୍ଗିବା ଉଦ୍ୟମ ଅଭିଯୋଗରେ ସ୍ପେଶାଲ ଅପରେସନ୍ ଗ୍ରୁପ ପକ୍ଷରୁ ମାମଲା ରୁଜୁ କରାଯାଇଛି । ଏବଂ ତଦନ୍ତ ଜାରି ରହିଛି ।
ଟଙ୍କା ଦେଇ କିଣିବାକୁ ପ୍ରୟାସ କରୁଥିବା ଅଭିଯୋଗ
ଏଫ୍ଆଇଆର ଅନୁଯାୟୀ ଏଭଳି କୁହାଯାଉଛି ଯେ, ରାଜସ୍ଥାନରେ ସିଏମ୍ ଏବଂ ଡେପୁଟୀ ସିଏମ୍ ମଧ୍ୟରେ ଝଗଡ଼ା ଚାଲୁ ରହିଛି । ଏଭଳି ସ୍ଥିତିରେ କିଛି ନିର୍ଦଳୀୟ ଏବଂ କଂଗ୍ରେସ ବିଧାୟକଙ୍କୁ ନିଜ ସପକ୍ଷକୁ ଆଣି ସରକାର ଭାଙ୍ଗିବାକୁ ଚେଷ୍ଟା କରିଛନ୍ତି । ଏଫ୍ଆଇଆର୍ରେ ଏହା ମଧ୍ୟ ଅଭିଯୋଗ ରହିଛି ଯେ, ବିଜେପି ନେତା ବିଧାୟକଙ୍କୁ ଧନର ପ୍ରଲୋଭନ ଦେଖାଇ ନିଜ ଆଡ଼କୁ ଆଣିବାକୁ ଚେଷ୍ଟ କରୁଥିଲେ ।
