କରୋନା ଡରରେ ବଲିଉଡ୍ ଥରହର, ଏହି ଷ୍ଟାର୍ସ କଲେ ଶୁଟିଂ କ୍ୟାନସଲ !

ମୁମ୍ବାଇ: ସମଗ୍ର ବିଶ୍ବରେ କରୋନା ଭାଇରସ୍ ର ଭୟ ଦେଖିବାକୁ ମିଳୁଛି । ତେବେ ଏଥିରୁ ବଲିଉଡ ମଧ୍ୟ ବାଦ ପଡିନାହିଁ । ନିକଟରେ ଦିଲ୍ଲୀରେ କରୋନାଭାଇରସର ନୂଆ କେସ୍ ସାମ୍ନାକୁ ଆସିଛି । ଏଥିପାଇଁ ଦିଲ୍ଲୀ ଯିବା ପାଇଁ ବଲିଉଡ ଷ୍ଟାର୍ସ ରାଜି ହେଉନାହାନ୍ତି । କରୋନାଭାଇରସର ପ୍ରଭାବ ବଲିଉଡରେ ମଧ୍ୟ ଛାଇଯାଇଛି । କେବଳ ସେତିକି ନୁହେଁ କରୋନା ପାଇଁ ଅନେକ ଫିଲ୍ମ ଶୁଟିଂ ବନ୍ଦ କରାଯାଇଛି ।

ସୂଚନାଯୋଗ୍ୟ ଯେ, କିଛି ଦିନ ପୂର୍ବରୁ କରୋନା ପାଇଁ ଏକ ଫିଲ୍ମ ଆୱାର୍ଡ ଶୋ’ ମଧ୍ୟ ରଦ୍ଦ କରାଯାଇଥିଲା । କରୋନାଭାଇରସର ଭୟ ସାଧାରଣ ବ୍ୟକ୍ତିଙ୍କଠାରୁ ଆରମ୍ଭ କରି ସେଲିବ୍ରିଟିଙ୍କ ମଧ୍ୟରେ ଦେଖିବାକୁ ମିଳିଛି । ଏୟାପୋର୍ଟରେ ମଧ୍ୟ ବଲିଉଡ ତାରକାଙ୍କୁ ମାସ୍କ ପିନ୍ଧି ଯାତ୍ରା କରିବାରେ ଦେଖିବାକୁ ମିଳିଥିଲା ।

ରିପୋର୍ଟ ଅନୁସାରେ ସଲମାନ ଖାନଙ୍କ ଅପକମିଂ ଫିଲ୍ମ ‘ରାଧେ’ର ଶୁଟିଂ ଥାଇଲାଣ୍ଡରେ ହୋଇଥାନ୍ତା । ହେଲେ କରୋନା ଆତଙ୍କ ପାଇଁ ଏହା କ୍ୟାନ୍ସଲ କରାଯାଇଛି । କେବଳ ସେତିକି ନୁହେଁ ଅନେକ ଫିଲ୍ମ ନିର୍ମାତା ନିଜ ଆଗାମୀ ଫିଲ୍ମର ଶୁଟିଂ ରଦ୍ଦ କରିଦେଇଛନ୍ତି । ଏଥିପାଇଁ ବଲିଉଡରେ କୋଟି କୋଟି ଟଙ୍କାର କ୍ଷତି ହୋଇଛି । ଦିଲ୍ଲୀରେ କରୋନାଭାଇରସ ପ୍ରକୋପ ଯୋଗୁଁ ଫିଲ୍ମ କଳାକାରମାନେ ପ୍ରମୋସନ୍ ପାଇଁ ଯାଉନାହାନ୍ତି । ସୂଚନାଯୋଗ୍ୟ ଯେ, ରାଜକୁମାର ରାଓ , କୃତୀ ସାନନ୍, ଡିମ୍ପଲ କାପଡିଆ ଓ ପରେଶ ରାୱଲ ଅଭିନୀତ ଏକ ଫିଲ୍ମ ଶୁଟିଂ ମାର୍ଚ୍ଚ ମାସ ୧୫ ତାରିଖରେ ଦିଲ୍ଲୀରେ ଆରମ୍ଭ ହେବାର ଥିଲା । ହେଲେ ଏବେ ପ୍ରଡକ୍ସନ୍ ହାଉସ କରୋନାଭାଇରସ୍ ଯୋଗୁଁ ଫିଲ୍ମର ଶୁଟିଂ କ୍ୟାନ୍ସଲ କରିଛନ୍ତି ।

ଚଳିତ ମାସ ଇନ୍ଦୋରରେ ଏକ ବଡ ଆୱାର୍ଡ ଶୋ’ ମଧ୍ୟ ରଦ୍ଦ କରାଯାଇଛି । ସୂଚନାଯୋଗ୍ୟ ଯେ, ବଲିଉଡର ସେଲିବ୍ରିଟିମାନେ ମଧ୍ୟ ବିଦେଶ ଯାତ୍ରା ଗସ୍ତରୁ ବଞ୍ଚିତ ହେଉଛନ୍ତି । ଏହି ଆୱାର୍ଡ ଶୋ’କୁ ମେ ମାସରେ କରିବାର ବିଚାର କରାଯାଇଛି । ଏହି ଆୱାର୍ଡ ଶୋ’ରେ ବଲିଉଡର ୫୦୦୦ ଲୋକେ ସାମିଲ ହୋଇଥାନ୍ତେ । ଏଥିପାଇଁ ଅଙ୍ଗ୍ରେଜି ମିଡିୟମ୍ ଫିଲ୍ମର ପ୍ରମୋସନାଲ ଇଭେଣ୍ଟ ମଧ୍ୟ ଅନେକ ସହରରେ ରଦ୍ଦ କରାଯାଇଥିଲା । ଫିଲ୍ମ ତାରକାମାନେ ମଧ୍ୟ ନିଜ ନିଜର ପାର୍ଟି କ୍ୟାନ୍ସଲ କରୁଛନ୍ତି । ବର୍ଥଡେ ପାର୍ଟିଠୁ ଆରମ୍ଭ କରି ବିବାହ ଫଙ୍କସନ୍ ମଧ୍ୟ କ୍ୟାନସଲ କରାଯାଇଛି ।

କରୋନାଭାଇରସ ପାଇଁ ମାର୍ଚ୍ଚଠୁ ଏପ୍ରିଲ ମାସ ପର୍ଯ୍ୟନ୍ତ ସମସ୍ତ ଶୁଟିଂ କ୍ୟାନସଲ କରାଯାଇଛି । ମେ ଓ ଜୁନ୍ ମାସରେ ନେଦରଲାଣ୍ଡରେ ହେବାକୁ ଯାଉଥିବା ମାରାଥନ୍ କୁ ନେଇ ମଧ୍ୟ ଅନେକ ଲୋକେ ଉତ୍ସାହିତ ଥିଲେ । ହେଲେ ଏବେ କରୋନା ପାଇଁ ଏଥିରେ ଅନେକ ଭାଗ ନେବେ ନାହିଁ  । ଅପରପକ୍ଷରେ ଦିୟା ମିର୍ଜା ଆଜିକାଲି ହାଇଦ୍ରାବାଦରେ ତେଲୁଗୁ ଫିଲ୍ମ ଶୁଟିଂରେ ବ୍ୟସ୍ତ ଅଛନ୍ତି । ଦିୟାଙ୍କ କହିବା ଅନୁସାରେ ଶୁଟିଂ ରଦ୍ଦ କରିବା ବଦଳରେ ସେ ସାବଧାନ ରହିବା ପସନ୍ଦ କରିବେ । କାରଣ ଶୁଟିଂ ତାଙ୍କ କମିଟମେଣ୍ଟ୍ ଥିଲା ଯାହାକୁ ସେ ପୁରା କରିବେ । ସଲମାନଙ୍କ ଫିଲ୍ମ ରାଧେର ଶୁଟିଂ ରଦ୍ଦ ହୋଇଥିବାବେଳେ ଏମିତି  ଅନେକ ଷ୍ଟାର୍ସ ଅଛନ୍ତି ଯିଏ ଏବେ ମଧ୍ୟ ଶୁଟିଂ କରୁଛନ୍ତି ।