ଛାତ୍ରଛାତ୍ରୀଙ୍କୁ ହୋମ୍ ଓ୍ୱାର୍କ ଦିଆନଯାଉ: ଶିକ୍ଷା ମନ୍ତ୍ରଣାଳୟ

ନୂଆଦିଲ୍ଲୀ: ସ୍କୁଲ୍ ବ୍ୟାଗ୍ ଭାର ନେଇ କେନ୍ଦ୍ର ଶିକ୍ଷା ମନ୍ତ୍ରୀ ନିଜ ନୂଆ ନୀତିରେ କହିଛନ୍ତି ଯେ ଦ୍ୱିତୀୟ ଶ୍ରେଣୀ ଯାଏଁ ଛାତ୍ରଛାତ୍ରୀଙ୍କୁ ହୋମ୍ ଓ୍ୱାର୍କ ଦିଆନଯାଉ ।

ଏପରିକି ସ୍କୁଲରେ ଓଜନ କରିବା ବାଲା ଡିଜିଟାଲ୍ ମେସିନ୍ ରଖିବା ଓ ପରିସରରେ ପାନୀୟ ଜଳ ଉପଲବ୍ଧ କରିବା ଭଳି ସୁପାରିଶ କରାଯାଇଛି । ନୂଆ ରାଷ୍ଟ୍ରୀୟ ଶିକ୍ଷା ନୀତି ଅନୁସାରେ ପ୍ରଥମ ଶ୍ରେଣୀରୁ ଦଶମ ଶ୍ରେଣୀ ଯାଏଁ ଛାତ୍ରଛାତ୍ରୀଙ୍କ ସ୍କୁଲ୍ ବ୍ୟାଗ୍ ଭାର ସେମାନଙ୍କ ଓଜନର ୧୦ ପ୍ରତିଶତରୁ ଅଧିକ ହେବ ନାହିଁ ବୋଲି ସୁପାରିଶ କରାଯାଇଛି ।

ଆହୁରି ମଧ୍ୟ ବିଦ୍ୟାଳୟରେ ସେମାନଙ୍କୁ ପର୍ଯ୍ୟାପ୍ତ ପରିମାଣର ସୁବିଧା ଓ ଗୁଣବତ୍ତା ଯୋଗାଇବାକୁ ପଡିବ । ଯେମିତିକି ମଧ୍ୟାହ୍ନ ଭୋଜନ । ଯାହାଫଳରେ ପିଲାମାନଙ୍କୁ ଘରୁ ଟିଫିନ୍ ନନେଇ ଆସିବାକୁ ପଡିବ । ଏହାବ୍ୟତୀତ ସେମାନଙ୍କୁ ଖେଳ, ଶାରୀରିକ ଶିକ୍ଷା ତଥା ସ୍କୁଲରେ ପାଠ୍ୟ ପୁସ୍ତକ ବ୍ୟତୀତ ବହି ପଢିବାକୁ ପର୍ଯ୍ୟାପ୍ତ ପରିମାଣର ସମୟ ପ୍ରଦାନ କରାଯାଉ ।

ସେହିପରି ଦ୍ୱିତୀୟ ଶ୍ରେଣୀର ପିଲାମାନଙ୍କୁ କୗେଣସି ହୋମ୍ ଓ୍ୱାର୍କ ଦିଆଯିବ ନାହିଁ । ହେଲେ ୩ୟ, ୪ର୍ଥ ଓ ୫ମ ଶ୍ରେଣୀର ଛାତ୍ରଛାତ୍ରୀଙ୍କୁ ସପ୍ତାହରେ ଦୁଇ ଘଣ୍ଟା ହୋମ୍ ଓ୍ୱାର୍କ ଦିଆଯାଇପାରିବ । ଏହା ବ୍ୟତୀତ ୬ଷ୍ଠରୁ ୮ମ ପିଲାମାନଙ୍କୁ ୧ଘଣ୍ଟା ଲାଗି ହୋମ୍ ଓ୍ୱାର୍କ ଦିଆଯିବ ଉଚିତ୍ ।