ଟାଟା ଠକେଇ ମାମଲା: ଆକାଶ ପାଠକଙ୍କୁ ଜେରା କରିବ ଇଡି
ଭୁବନେଶ୍ୱର: ପୁଣି ଫେରିଲା ଟାଟା ଠକେଇ ମାମଲା। ଟାଟା ନାରେ ଫେକ୍ ନିଯୁକ୍ତି ନେଇ ଠକେଇ ମାମଲାରେ ଝାରପଡା ଜେଲରେ ଥିବା ଆକାଶ ପାଠକଙ୍କୁ ଜେରା କରିବ ଇଡି। । ଆଜି ଇଡିର ୩ ଜଣିଆ ଟିମ ଆକାଶଙ୍କୁ ପଚରାଉଚରା କରିବ। ଏ ନେଇ ପୂର୍ବରୁ ଇଡି କୋର୍ଟରେ ଆବେଦନ କରିଥିଲା। ତେବେ ବର୍ତ୍ତମାନ କୋର୍ଟ ଏ ନେଇ ଅନୁମତି ଦେଇଛନ୍ତି।
ବେଆଇନ ଅର୍ଥ କାରବାର ନେଇ ଇଡି ଆକାଶଙ୍କଠାରୁ ସମସ୍ତ ସତ ଉଗାରିବାକୁ ଚେଷ୍ଟା କରିବ। ଗତବର୍ଷ ୨୧ ଡିସେମ୍ବରରେ ଆକାଶ ଗିରଫ ହୋଇ ଜେଲକୁ ଯାଇଥିଲେ। ଟାଟା ମୋଟର୍ସ କମ୍ପାନୀର ଏମଡି ପରିଚୟ ଦେଇ ସ୍କାଏ କିଙ୍ଗ ଟ୍ରାଭେଲସ୍ ଏଜେନ୍ସିରୁ ଚାର୍ଟର ବିମାନ ବୁକିଂ କରିଥିଲେ । ତାଙ୍କ ନାଁରେ ଲକ୍ଷାଧିକ ଟଙ୍କା ବାକି ରହିଥିବା ସୂଚନା କ୍ରାଇମବ୍ରାଞ୍ଚ ହାତରେ ଲାଗିଥିଲା । ଆକାଶ ୬୫ ଲକ୍ଷ ଟଙ୍କା ଠକେଇ କରିଥିବା ନେଇ ସ୍କାଏ କିଙ୍ଗ ଟ୍ରାଭେଲ ସଂସ୍ଥା ଭୁବନେଶ୍ୱର ଖାରବେଳ ନଗର ଥାନାରେ ଅଭିଯୋଗ କରିବା ପରେ ତାଙ୍କର ଗିରଫଦାରୀ ହୋଇଥିଲା।
