ସଞ୍ଜୟ ରାଉତଙ୍କୁ ଇଡିର ସମନ, ଆସନ୍ତାକାଲି ହାଜର ହେବାକୁ ନିର୍ଦ୍ଦେଶ

ମୁମ୍ବାଇ: ମହାରାଷ୍ଟ୍ରରେ ଜାରି ରହିଛି ରାଜନୈତିକ ସଙ୍କଟ । MVA ସରକାରରୁ ସମର୍ଥନ ପ୍ରତ୍ୟାହାର କରିଛନ୍ତି ଏକନାଥ ସିନ୍ଦେ । ନିଜ ଗୋଷ୍ଠୀକୁ ପ୍ରକୃତ ଶିବସେନା ଦାବି କରି ସମର୍ଥନ ପ୍ରତ୍ୟାହାର କରିଛନ୍ତି ସିନ୍ଦେ ଗୋଷ୍ଠୀ । ୩୮ ବିଧାୟକ ସମର୍ଥନ ପ୍ରତ୍ୟାହାର କରିବା ପରେ ସଂଖ୍ୟାଲଘୁରେ ପରିଣତ ହୋଇଛି ଉଦ୍ଧବ ସରକାର । ତେବେ ଏହି ସଙ୍କଟ ମଧ୍ୟରେ ସରକାର ବଞ୍ଚାଇବା ପାଇଁ ଫୁଲ୍ ଦମରେ ଲାଗିଛନ୍ତି ଶିବସେନାର ବରିଷ୍ଠ ନେତା ସଞ୍ଜୟ ରାଉତ ।

Enforcement Directorate (ED) summons Shiv Sena MP Sanjay Raut on June 28, in connection with Patra Chawl land scam case

(File pic) pic.twitter.com/bPioKK6IPJ

— ANI (@ANI) June 27, 2022

କିନ୍ତୁ ଏହାରି ମଧ୍ୟରେ ସଞ୍ଜୟ ରାଉତଙ୍କୁ ହୋଇଛି ଇଡିର ସମନ । ଆସନ୍ତାକାଲି ଇଡିରେ ହାଜର ହେବାକୁ ସମନ୍ କରିଥିବା ସୂଚନା ମିଳିଛି । ଜମି ଦୁର୍ନୀତି ମାମଲାରେ ସଞ୍ଜୟ ରାଉତଙ୍କୁ ଇଡି ସମନ କରିଥିବା ଜଣାପଡ଼ିଛି । ଏହା ପୂର୍ବରୁ ସଞ୍ଜୟ ରାଉତ ଓ ତାଙ୍କ ପରିବାରଙ୍କ ବିରୋଧରେ ଇଡି ମନି ଲଣ୍ଡରିଂ ମାମଲା ରୁଜୁ କରିଥିଲା ।  ସଂଜୟ ରାଉତଙ୍କୁ ଇଡି ନୋଟିସର ଟାଇମିଂ ନେଇ ପ୍ରଶ୍ନ କରିଛନ୍ତି ବିରୋଧୀ ।