ମଦ ଦୁର୍ନୀତି ମାମଲା: କେଜ୍ରିଓ୍ବାଲଙ୍କୁ ଇଡିର ୯ମ ନୋଟିସ

ନୂଆଦିଲ୍ଲୀ: ମଦ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପୁଣି ପଠାଇଲା ନୋଟିସ । ଏହାକୁ ମିଶାଇ ଇଡି କେଜ୍ରିଓ୍ବାଲଙ୍କୁ ୯ ଥର ସମନ ପଠାଇ ସାରିଲାଣି । ମେ’ ୨୧ ତାରିଖରେ ହାଜର ହେବାକୁ କେଜ୍ରିଓ୍ବାଲଙ୍କୁ କୁହାଯାଇଛି । ଗତ ନୋଟିସରେ ହାଜର ନହେବା ମାମଲାରେ ଶନିବାର ଦିଲ୍ଲୀର ଏକ କୋର୍ଟରୁ ତାଙ୍କୁ ଜାମିନ ମିଳିଥିଲା ।

ଗତକାଲି କେଜ୍ରିଓ୍ବାଲଙ୍କୁ ଜାମିନ ମିଳିଥିବା ବେଳେ ଆଜି ପୁଣି ତାଙ୍କୁ ନୋଟିସ ଜାରି କରିଛି ଇଡି । ସୂଚନାଯୋଗ୍ୟ, ୨୦୨୩ ନଭେମ୍ବର ୨ ତାରିଖରେ କେଜ୍ରିଓ୍ବାଲଙ୍କୁ ପ୍ରଥମ ଇଡି ନୋଟିସ ହୋଇଥିଲା । ଏହାପରେ ନଭେମ୍ବର ୨୧, ଜାନୁଆରୀ ୩ ଓ ୧୮, ଫବୃଆରୀ ୨, ୧୯, ୨୬ ଓ ମାର୍ଚ୍ଚ ୪ ତାରିଖରେ ନୋଟିସ ପଠାଇଥିଲା ଇଡି ।