ସଞ୍ଜୟ ରାଉତଙ୍କ ଘରେ ଇଡି, ଜମି ଜାଲିଆତି ମାମଲାରେ ଜେରା
ମୁମ୍ବାଇ: ଶିବସେନା ପ୍ରବକ୍ତା ଓ ରାଜ୍ୟସଭା ସାଂସଦ ସଞ୍ଜୟ ରାଉତଙ୍କ ଘରେ ପହଞ୍ଚିଲା ଇଡିର ଟିମ୍ । ପଶ୍ଚିମବଙ୍ଗ ପରେ ମହାରାଷ୍ଟ୍ରରେ ଇଡିର ଆକ୍ସନ । ଦୁଇ ଘଣ୍ଟା ଧରି ଚାଲିଛି ଚଢ଼ାଉ । ପ୍ରବର୍ତ୍ତନ ନିର୍ଦ୍ଦେଶାଳୟର ୧୨ ଅଫିସର ରାଉତଙ୍କ ଘରେ ପହଞ୍ଚିଥିବା ବେଳେ ପତ୍ର ଚୌଲ ଜମି ଜାଲିଆତି ମାମଲାରେ ତାଙ୍କୁ ପଚରାଉଚରା କରୁଛି ।
ଇଡିର ସଞ୍ଜୟ ରାଉତ ଟ୍ବିଟ କରିଛନ୍ତି ଯେ ‘ମହାରାଷ୍ଟ୍ର ଓ ଶିବସେନା ମଧ୍ୟରେ ଲଢେଇ ଜାରି ରହିବ । ମିଛ କାର୍ଯ୍ୟାନୁଷ୍ଠାନ, ମିଛ ପ୍ରମାଣ, ମୁଁ ମରିଯିବି ପଛେ ଶିବସେନା ଛାଡିବି ନାହିଁ, ମୁଁ ଆତ୍ମସମର୍ପଣ କରିବି ନାହିଁ, ମୋର କୌଣସି ଜାଲିଆତି ସହ ସମ୍ପର୍କ ନାହିଁ ’ ।
ଏକ ହଜାର ୩୪ କୋଟି ପାତ୍ର ଚୌଲ୍ ଲ୍ୟାଣ୍ଡ ସ୍କାମରେ ସଞ୍ଜୟ ରାଉତଙ୍କ ନାଁ ଆସିବା ପରେ ତାଙ୍କୁ ସମନ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ପୂର୍ବରୁ ଇଡି ଅଫିସରେ ସଞ୍ଜୟ ରାଉତଙ୍କୁ ଜେରା ସରିଥିବା ବେଳେ ଆଜି ତାଙ୍କ ଘରେ ଚଢ଼ାଉ କରିବା ସହ ଜେରା କରୁଛି ।
ମନି ଲଣ୍ଡ୍ରିଂ ମାମଲାରେ ଇଡି ବାରମ୍ବାର ସଞ୍ଜୟଙ୍କୁ ସମନ ଜାରି କରିଥିଲା । କିନ୍ତୁ ସେ ଇଡିରେ ହାଜର ହେଉ ନଥିଲେ । ଜୁଲାଇ ୨୦ରେ ଇଡି ଶିବସେନା ନେତା ସଞ୍ଜୟଙ୍କୁ ନୋଟିସ ପଠାଇଥିଲା । କିନ୍ତୁ ସଂସଦ ଅଧିବେଶନ ଚାଲିଥିବାରୁ ଅଗଷ୍ଟ ୭ ପରେ ହାଜର ହେବାକୁ କହିଥିଲେ ସଞ୍ଜୟ ।
