ନ୍ୟାସନାଲ ହେରାଲ୍ଡ ଅଫିସ ଉପରେ ED ଚଢ଼ଉ
1 min read
ନୂଆଦିଲ୍ଲୀ : କଂଗ୍ରେସ ମୁଖପତ୍ର ନ୍ୟାସନାଲ ହେରାଲ୍ଡ ଅଫିସ ଉପରେ ମଙ୍ଗଳବାର ଦିନ ପ୍ରବର୍ତ୍ତନ ନିର୍ଦ୍ଦେଶାଳୟ ବା ED ପକ୍ଷରୁ ଚଢ଼ଉ ହୋଇଛି । ନ୍ୟାସନାଲ ହେରାଲ୍ଡ ମାମଲାରେ ଇଡି ଦେଶର ୧୨ଟି ସ୍ଥାନର ଚଢ଼ଉ କରିଥିବା ସୂଚନା ରହିଛି । ସୂଚନା ଅନୁସାରେ ଦିଲ୍ଲୀ ଓ କୋଲକତା ସମେତ ଦେଶର ଅନ୍ୟ ୧୨ ସ୍ଥାନରେ ଏକକାଳୀନ ଏହି ଚଢ଼ଉ ଚାଲିଛି ।
ଦିଲ୍ଲୀ ସ୍ଥିତ ନ୍ୟାସନାଲ ହେରାଲ୍ଡ ଅଫିସ ଉପରେ ଚଢ଼ଉ ବେଳେ କେବଳ ସୁରକ୍ଷାକର୍ମୀଙ୍କ ବ୍ୟତିତ ଆଉ କେହି ନଥିଲେ ବୋଲି ଜଣା ପଡିଛି । ଅନ୍ୟପକ୍ଷରେ କଂଗ୍ରେସ ନେତା ଉତ୍ତମ ରେଡ୍ଡୀ ଏହାକୁ ରାଜନୈତିକ ପ୍ରତିଶୋଧମୂଳଳ କାର୍ଯ୍ୟାନୁଷ୍ଠାନ ବୋଲି କହିଛନ୍ତି ।
ସୂଚନାଯୋଗ୍ୟ ଯେ,ନ୍ୟାସନାଲ ହେରାଲ୍ଡ ମାମଲାରେ ଇଡି ସୋନିଆ ଗାନ୍ଧୀ ଓ ରାହୁଲ ଗାନ୍ଧୀଙ୍କୁ ପଚରା ଉଚରା କରିଛି । ଯାହାକୁ ବିରୋଧ କରି କଂଗ୍ରେସ ପକ୍ଷରୁ ଦେଶବ୍ୟାପୀ ସତ୍ୟାଗ୍ରହ କରାଯାଉଛି ।
ସୂଚନାଯୋଗ୍ୟ ଯେ, ପୂର୍ବତନ ପ୍ରଧାନମନ୍ତ୍ରୀ ଜୱାହରଲାଲ ନେହେରୁଙ୍କ ଦ୍ୱାରା ଆରମ୍ଭ କରାଯାଇଥିବା ନ୍ୟାସନାଲ ହେରାଲ୍ଡ,,ଆସୋସିଏଟ୍ ଜର୍ଣ୍ଣାଲ ଲିମିଟେଡ୍ ଓ ୟଙ୍ଗ ଇଣ୍ଡିଆ ଲିମିଟେଡ୍ ମଧ୍ୟରେ ହୋଇଥିବା ଅର୍ଥ ଦେଣନେଣ ସନ୍ଦେହାସ୍ପଦ ଥିଲା ବୋଲି ଅଭିଯୋଗ ହେଉଛି । ପ୍ରଥମେ ଏହି ମାମଲାରେ ବିଜେପି ନେତା ସୁବ୍ରମଣ୍ୟମ ସ୍ୱାମୀ ଅଦାଲତ ଯାଇଥିଲେ । ଅଦାଲତ ମାମଲାର ତଦନ୍ତ ପାଇଁ ଆଦେଶ ଦେଇଥିଲେ ।
