୨ ଡାକ୍ତରଙ୍କ ନାଁରେ ମନି ଲଣ୍ଡରିଂ ମାମଲା ରୁଜୁ କଲା ପ୍ରବର୍ତ୍ତନ ନିର୍ଦ୍ଦେଶାଳୟ
କଟକ: ଇଡି ସ୍କାନର୍ରେ ଏସ୍ସିବି ଡାକ୍ତର । ଏସସିବି ହେମୋଟୋଲଜି ବିଭାଗର ପ୍ରଫେସର ଡାକ୍ତର ରବୀନ୍ଦ୍ର ଜେନା ଓ ଡାକ୍ତର ସୁଧା ସେଠୀଙ୍କ ବିରୋଧରେ ବେଆଇନ୍ ସମ୍ପତ୍ତି ଠୁଳ ଅଭିଯୋଗ ହୋଇଛି । ଉଭୟଙ୍କ ନାଁରେ ପ୍ରବର୍ତ୍ତନ ନିର୍ଦ୍ଦେଶାଳୟ ବା ଇଡି ମନି ଲଣ୍ଡରିଂ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ୨୦୧୭ ମସିହାରେ ଡାକ୍ତର ରବୀନ୍ଦ୍ର ଜେନାଙ୍କ ଘର ଓ ଅଫିସ୍ ସମେତ ୧୦ଟି ସ୍ଥାନରେ ଭିଜିଲାନ୍ସ ଚଢାଉ କରିଥିଲା ।
ଭିଜିଲାନ୍ସ ଡାକ୍ତର ରବୀନ୍ଦ୍ର ଜେନାଙ୍କ ଲକରରୁ ହୀରା ଓ ସୁନା ସହ ୩ କୋଟିରୁ ଅଧିକ ଟଙ୍କାର ସମ୍ପତ୍ତି ଜବତ କରିଥିଲା । ସେହି ସମୟରେ ଡାକ୍ତର ସୁଧା ସେଠୀଙ୍କ ଘରେ ବି ଚଢାଉ କରି ବେଆଇନ୍ ସମ୍ପତ୍ତି ଜବତ କରିଥିଲା ଭିଜିଲାନ୍ସ । ଘଟଣାରେ ୨ ଜଣଙ୍କୁ ଗିରଫ କରାଯାଇଥିଲା । ପରବର୍ତ୍ତୀ ସମୟରେ ସେମାନେ ବେଲ ପାଇଥିଲେ । ଏବେ ପୁଣି ୨ ଜଣଙ୍କ ନଁ।ରେ ଇଡି ମାମଲା ରୁଜୁ କରିଛି ।
