୫୩୮ କୋଟି ଟଙ୍କାର କାନାରା ବ୍ଯାଙ୍କ ଜାଲିଆତି ମାମଲା, ଜେଟ ଏୟାରଓ୍ବେଜ ପ୍ରତିଷ୍ଠାତା ନରେଶ ଗୋୟଲ ଗିରଫ

ନୂଆଦିଲ୍ଲୀ: ୫୩୮ କୋଟି ଟଙ୍କାର କାନାରା ବ୍ଯାଙ୍କ ଜାଲିଆତି ମାମଲା । ଜେଟ ଏୟାରଓ୍ବେଜ ପ୍ରତିଷ୍ଠାତା ନରେଶ ଗୋୟଲଙ୍କୁ ଗିରଫ କଲା ପ୍ରବର୍ତ୍ତନ ନିର୍ଦ୍ଦେଶାଳୟ । ବେଆଇନ ଅର୍ଥ କାରବାର ନିରୋଧ ଆଇନ ଅନୁସାରେ ଗୋୟଲଙ୍କୁ ହେପାଜତକୁ ନେଇଛି ଇଡି । ପିଏମଏଲଏ କୋର୍ଟରେ ୭୪ ବର୍ଷ ବୟସ୍କ ଗୋୟଲଙ୍କୁ ରିମାଣ୍ଡରେ ଆବେଦନ କରିବ ଇଡି । କାନାରା ବ୍ଯାଙ୍କରେ ୫୩୮ କୋଟି ଟଙ୍କା ଜାଲିଆତି କରିବା ଅଭିଯୋଗରେ ନରେଶ, ତାଙ୍କ ପତ୍ନୀ ଅନୀତା ଓ କେତେକ ଅଧିକାରୀଙ୍କ ବିରୋଧରେ ମାମଲା ଦାୟର କରିଥିଲା ସିବିଆଇ । ବ୍ଯାଙ୍କର ଅଭିଯୋଗ କ୍ରମେ ସିବିଆଇ ପକ୍ଷରୁ ଏଫଆଇଆର ରୁଜୁ ହୋଇଥିଲା । ଜେଟ ଏୟାରଓ୍ବେଜ ଇଣ୍ଡିଆ ଲିମିଟେଡକୁ ୮୪୮ କୋଟି ୮୬ ଲକ୍ଷ ଟଙ୍କା ମଞ୍ଜୁର ହୋଇଥିବାବେଳେ ୫୩୮ କୋଟି ଟଙ୍କା ବକେୟା ଥିବା ସୂଚନା ମିଳିଥିଲା । ଜେଟ ଏୟାରଓ୍ବେଜର ଆକାଉଣ୍ଟକୁ ଗତ ଜୁଲାଇ ୨୦୨୧ରେ ଜାଲ୍ ବୋଲି ଘୋଷଣା କରାଯାଇଥିଲା ।