କିଏ ହେବେ ଇରାନର ପରବର୍ତ୍ତୀ ରାଷ୍ଟ୍ରପତି ?

ନନ୍ଦିଘୋଷ ବ୍ୟୁରୋ : କିଏ ହେବେ ଇରାନର ପରବର୍ତ୍ତୀ ରାଷ୍ଟ୍ରପତି। ଏହାକୁ ନେଇ ଜାରି ରହିଛି ସସପେନ୍ସ। ପଶ୍ଚିମ ଏସିଆରେ ସଙ୍କଟ ଜାରି ରହିଥିବାବେଳେ ରାଷ୍ଟ୍ରପତି ଇବ୍ରାହିମ ରାଇସିଙ୍କ ନିଧନ ଇରାନ ଲାଗି ସୃଷ୍ଟି କରିଛି ଚାଲେଞ୍ଜ। ଏହି ଦୁର୍ଘଟଣାରେ ରାଷ୍ଟ୍ରପତି ରାଇସି, ବୈଦେଶିକ ମନ୍ତ୍ରୀ ହୋସେନ ଅମିର ଆବଦୋଲହିଆନ ଓ ଅନ୍ଯ ୭ଜଣଙ୍କ ମୃତ୍ଯୁ ଘଟିଥିଲା।

ଆସନ୍ତା ଜୁନ ୨୮ରେ ପରବର୍ତ୍ତୀ ରାଷ୍ଟ୍ରପତି ଲାଗି ନିର୍ବାଚନ ହେବ ବୋଲି ସୂଚନା ମିଳିଛି। ଦେଶରେ ରାଇସିଙ୍କ ବିୟୋଗରେ ୫ଦିନିଆ ରାଷ୍ଟ୍ରୀୟ ଶୋକ ଦିବସ ପାଳନ କରାଯାଇଛି। ସେପଟେ ଇରାନର ତୁଙ୍ଗ ଆଣବିକ ବିଭାଗ କର୍ମକର୍ତ୍ତା ଅଲି ବାଘେରୀଙ୍କୁ କାମଚଳା ବୈଦେଶିକ ମନ୍ତ୍ରୀ ଭାବେ ନିଯୁକ୍ତି ଦିଆଯାଇଛି। ଦୁର୍ଘଟଣାର ଉଚ୍ଚସ୍ତରୀୟ ତଦନ୍ତ ଲାଗି ସେ ନିର୍ଦ୍ଦେଶ ଦେଇଛନ୍ତି।  ରାଇସିଙ୍କ ମୃତ୍ଯୁରେ ରୁଷିଆ, ଚୀନ, ଜାତିସଂଘ, ଆମେରିକା ପ୍ରମୁଖ ଶୋକବ୍ଯକ୍ତ କରିଛନ୍ତି।