ପୂର୍ବାଞ୍ଚଳ ଜୋନାଲ ପରିଷଦ ବୈଠକ, ଅବହେଳା ପ୍ରସଙ୍ଗ ଉଠାଇଲା ଓଡ଼ିଶା

କୋଲକାତା: କୋଲକାତାରେ ଅନୁଷ୍ଠିତ ପୂର୍ବାଞ୍ଚଳ ଜୋନାଲ ପରିଷଦ ବୈଠକରେ ଦାବି ଉଠାଇଲା ଓଡ଼ିଶା । ଆବାସ ଯୋଜନାରେ ରାଜ୍ୟ ପ୍ରତି ହେଉଥିବା ଅବହେଳାକୁ ଉଠାଇଛନ୍ତି ଓଡ଼ିଶାର ମନ୍ତ୍ରୀ । ଏହା ସହତ କୋଇଲା ରୟାଲଟି ବୃଦ୍ଧି ପ୍ରସଙ୍ଗ ଉଠାଇଛି ଓଡ଼ିଶା । ପ୍ରତି ୩ ବର୍ଷରେ ଥରେ କୋଇଲା ରୟାଲଟି ବୃଦ୍ଧି ହେବା କଥା । କିନ୍ତୁ ୨୦୧୨ ମସିହା ପରେ ଏହା ବୃଦ୍ଧି କରାଯାଇନାହିଁ ।

ଏହା ସହିତ ଏସସି, ଏସଟି ପ୍ରି-ସ୍କଲାରସିପ ଓ ପୋଷ୍ଟ ମାଟ୍ରିକ ସ୍କଲାରସିପ ଠିକ୍ ସମୟରେ କେନ୍ଦ୍ର ଦେଉନାହିଁ । ରାଜ୍ୟ ପ୍ରତି ଅନ୍ୟାନ୍ୟ ଅବହେଳା ପ୍ରସଙ୍ଗରେ ମଧ୍ୟ ସ୍ବର ଉଠାଯାଇଥିବା ଜଙ୍ଗଲ ଓ ପରିବେଶ ମନ୍ତ୍ରୀ ପ୍ରଦୀପ ଅମାତ କହିଛନ୍ତି । ଏହା ସହିତ ନକ୍ସଲ ସମସ୍ୟା, ସୀମା ବିବାଦ ଆଦି ପ୍ରସଙ୍ଗ ଉଠାଯାଇଛି । ସଂଘୀୟ ବ୍ୟବସ୍ଥାରେ କେନ୍ଦ୍ର ଓ ରାଜ୍ୟ ସହଭାଗିତାରେ କିପରି ବିକାଶମୂଳକ କାର୍ଯ୍ୟ ହେବ, ତା’ ଉପରେ ଓଡ଼ିଶା ଗୁରୁତ୍ବ ଦେଇଛି ।