ନନ୍ଦିଘୋଷ ବ୍ୟୁରୋ: ପୂର୍ବ ଭାରତରେ ଭୂକମ୍ପର ଝଟକା। ଆସାମ ଓ ତ୍ରିପୁରାରେ ଭୂକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲରେ ତୀବ୍ରତା ୫.୧ ରେକର୍ଡ କରାଯାଇଛି। ଭୂକମ୍ପର କେନ୍ଦ୍ରସ୍ଥଳ ଆସାମର ମୋରିଗାଓଁ ଥିବା ଜଣାପଡିଛି। ଭୂପୃଷ୍ଠରୁ ୫୦ କିଲୋମିଟର ଭିତରେ ରହିଛି ଭୂକମ୍ପର କେନ୍ଦ୍ରସ୍ଥଳ।ନ୍ୟାସନାଲ ସେଣ୍ଟର ଫର୍ ସିସମୋଲୋଜି NCS ଅନୁଯାୟୀ ସକାଳ ୪ଟା ୧୭ ମିନିଟରେ ଏହି ଭୂକମ୍ପ ଅନୁଭୂତ ହୋଇଥିଲା ।
ମୋରିଗାଓଁ ଏବଂ ନିକଟବର୍ତ୍ତୀ ଜିଲ୍ଲା ସମେତ କେନ୍ଦ୍ରୀୟ ଆସାମର ବିଭିନ୍ନ ସ୍ଥାନରେ ଭୂମିକମ୍ପ ଅନୁଭୂତ ହୋଇଥିଲା। ଥଣ୍ଡା ଏବଂ ଘନ କୁହୁଡ଼ି ମଧ୍ୟରେ ଭୟରେ ଲୋକେ ଘରୁ ବାହାରକୁ ବାହାରି ଆସିଥିଲେ। ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଏପର୍ଯ୍ୟନ୍ତ ଜୀବନହାନି କିମ୍ବା ସମ୍ପତ୍ତି କ୍ଷୟକ୍ଷତିର କୌଣସି ସୂଚନା ନାହିଁ ।
