ମହାରାଷ୍ଟ୍ରର ନାଗପୁରରେ ଭୂକମ୍ପ ! ୯୬ କିଲୋମିଟର ଉତ୍ତର-ଉତ୍ତର ପୂର୍ବରେ ଏହି ଭୂକମ୍ପ ରେକର୍ଡ

ନାଗପୁର: ନାଗପୁରରେ ମୃଦୁ ଭୂକମ୍ପ ଅନୁଭୂତ । ଆଜି ସକାଳେ ମହାରାଷ୍ଟ୍ରର ନାଗପୁରର ଉତ୍ତର-ପୂର୍ବରେ ଭୂକମ୍ପ ଅନୁଭୂତ ହୋଇଛି । ନ୍ୟାସନାଲ ସେଣ୍ଟର ଫର ସୀସ୍ମୋଲୋଜି କହିଛି ଯେ, ରିକ୍ଟର ସ୍କେଲରେ ଏହି ଭୂକମ୍ପ ୩.୩ ଥିଲା। ଭୋର ପ୍ରାୟ ୪ଟା ୧୦ ସୁଦ୍ଧା ନାଗପୁରର ୯୬ କିଲୋମିଟର ଉତ୍ତର-ଉତ୍ତର ପୂର୍ବରେ ଏହି ଭୂକମ୍ପ ରେକର୍ଡ କରାଯାଇଛି । ବର୍ତ୍ତମାନ ଏହି ଭୂକମ୍ପରେ କୌଣସି ଜୀବନ କିମ୍ବା ସମ୍ପତ୍ତି ନଷ୍ଟ  ହୋଇ ନଥିବା ସୂଚନା ମିଳିଛି ।

ଏଠାରେ ସୂଚନା ଯୋଗ୍ୟ ଯେ, ଏହାପୂର୍ବରୁ ରବିବାର ଦିନ ସିକ୍କିମ ଗାଙ୍ଗଟକ ନିକଟରେ ନିକଟରେ ଭୂକମ୍ପ ଅନୁଭୂତ ହୋଇଥିଲା। ନ୍ୟାସନାଲ ସେଣ୍ଟର ଫର ସୀସ୍ମୋଲୋଜି ଅନୁଯାୟୀ, ରିକ୍ଟର ସ୍କେଲରେ ଏହାର ତୀବ୍ରତା ୩.୬ ରେକର୍ଡ଼ କରାଯାଇଥିଲା। ସିକ୍କିମରେ ଗ୍ୟାଙ୍ଗଟକରେ ଏହି ଭୂକମ୍ପର କମ୍ପନ ଦିନ ପ୍ରାୟ ୧୨.୪୫ରେ ଅନୁଭୂତ ହୋଇଥିଲା।