ନେପାଳରେ ଭୂକମ୍ପ, ଥରିଲା ଉତ୍ତର ଭାରତ

ନୂଆଦିଲ୍ଲୀ: ଭୂକମ୍ପ ଝଟକାରେ ଥରିଲା ଉତ୍ତର ଭାରତ । ବିଳମ୍ବିତ ରାତି ପ୍ରାୟ ୨ଟା ବେଳେ ଜୋରଦାର ଝଟକା ଅନୁଭୂତ ହୋଇଛି । ରାଜଧାନୀ ଦିଲ୍ଲୀରେ ଏହାର ତୀବ୍ରତା ୬.୩ ରେକର୍ଡ ହୋଇଛି । ଦିଲ୍ଲୀ ସମେତ ଦିଲ୍ଲୀ-ଏନସିଆର୍, ୟୁପି, ବିହାର, ଉତ୍ତରାଖଣ୍ଡରେ ବି ଝଟକା ଅନୁଭୂତ ହୋଇଛି ।

ଭୂକମ୍ପର କେନ୍ଦ୍ରସ୍ଥଳୀ ନେପାଳ ରହିଥିବା ନ୍ୟାସନାଲ ଇନଷ୍ଟିଚ୍ୟୁଟ ଅଫ୍ ସେସମୋଲୋଜୀ ପକ୍ଷରୁ କୁହାଯାଇଛି । ୧୦ ମିନିଟ ଧରି ରହି ରହି ଭୂମିକମ୍ପ ଝଟକା ଅନୁଭୂତ ହୋଇଥିଲା । ଭୟରେ ଲୋକେ ରାଜଧାନୀର ଲୋକେ ଘରୁ ବାହାରକୁ ପଳାଇ ଆସିଥିଲେ ।

ସେପଟେ ପଡୋଶୀ ଦେଶ ନେପାଳରେ ମଧ୍ୟ ଭୂକମ୍ପର ଝଟକା ପରେ ଝଟକା ଅନୁଭୂତ ହୋଇଥିଲା । ଲଗାତାର ତିନିଟି ଝଟକା ଅନୁଭୂତ ହୋଇଥିବା ବେଳେ ଏକାଧିକ ବିଲ୍ଡିଂ ଭୁଶୁଡ଼ି ପଡ଼ିଥିବା ଜଣାପଡ଼ିଛି । ଏବେ ସୁଦ୍ଧା ଭୂମିକମ୍ପ ଯୋଗୁଁ ୬ ଜଣଙ୍କ ମୃତ୍ୟୁ ଘଟିଥିବା ଜଣାପଡିଛି ।