ନୂଆଦିଲ୍ଲୀରେ ଭୂକମ୍ପ ଝଟକା
ନୂଆଦିଲ୍ଲୀ: ନୂଆବର୍ଷରେ ଦିଲ୍ଲୀରେ ଭୂକମ୍ପ ଝଟ୍କା । ବିଳମ୍ବିତ ରାତି ପ୍ରାୟ ଗୋଟେ ୧୯ରେ ଲୋକ ଯେତେବେଳେ ନୂଆବର୍ଷକୁ ସ୍ବାଗତ କରିବାକୁ ଉତ୍ସବରେ ମସଗୁଲ ଥିଲେ, ସେତେବେଳେ ଦିଲ୍ଲୀ ଏନସିଆର ଅଞ୍ଚଳରେ ଭୂମିକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୩.୮ ରହିଛି ।
ଭୂମିକମ୍ପର କେନ୍ଦ୍ରସ୍ଥଳ ରହିଛି ହରୟାଣାର ଝାଝର । ଭୂପୃଷ୍ଠରୁ ୫ କିଲୋମିଟର ମାଟି ତଳେ ଏହି ଭୂମିକମ୍ପ ହୋଇଛି । ଏଥିରେ କାହାରି କିଛି କ୍ଷତି ହୋଇନଥିବା ସୂଚନା ମିଳିଛି । ତେବେ କିଛି ଦିନ ଭିତରେ ବହୁତ ଥର ଦିଲ୍ଲୀରେ ଭୂମିକମ୍ପ ଅନୁଭୂତ ହୋଇଛି । ୨୯ ନଭେମ୍ବରରେ ଦିଲ୍ଲୀ ଏନସିଆରରେ ଭୂମିକମ୍ପ ହୋଇଥିଲା । ରିକ୍ଟର ସ୍କେଲରେ ତୀବ୍ରତା ଥିଲା ୨.୫ । ଦିଲ୍ଲୀର ପଶ୍ଚିମ କ୍ଷେତ୍ରରେ ହୋଇଥିଲା ଭୂକମ୍ପ ।
