ଜାମ୍ମୁ-କାଶ୍ମୀରରେ ଭୂମିକମ୍ପ

ଶ୍ରୀନଗର: ଜାମ୍ମୁ-କାଶ୍ମୀରରେ ଜୋରଦାର ଭୂକମ୍ପ ଝଟ୍‌କା । ଦିଲ୍ଲୀ-ଏନସିଆର ଓ ହରିୟାଣାରେ ବି ଭୂକମ୍ପ ଅନୁଭୂତ ହୋଇଛି ।  ରିକ୍ଟର ସ୍କେଲରେ ଏହାର ତୀବ୍ରତା ୫.୭ ରେକର୍ଡ ହୋଇଛି । ଏହାର ଗଭୀରତା ୨୧୦ କିମି ରହିଥିଲା ।  ସକାଳ ୯ଟା ୪୬ ମିନଟରେ ହୋଇଥିବା ଏହି ଭୂମିକମ୍ପ ପ୍ରଭାବରେ ୨୦ ସେକେଣ୍ଡ ପର୍ଯ୍ୟନ୍ତ ଦୋହଲି ଯାଇଥିଲା ଏସବୁ ଅଞ୍ଚଳ ।

ଭୂମିକମ୍ପର ତୀବ୍ରତା ଅଧିକ ଥିବାରୁ ଘର ଭିତରର ଆସବାବପତ୍ର ସବୁ ଥରିବାକୁ ଲାଗିଥିଲା । ଲୋକମାନେ ଆତଙ୍କିତ ଅବସ୍ଥାରେ ଘର ବାହାରକୁ ଚାଲିଆସିଥିଲେ । ଆଫଗାନିସ୍ତାନ-ତାଜକିସ୍ତାନ ସୀମାରେ ଭୂକମ୍ପର କେନ୍ଦ୍ରବିନ୍ଦୁ ସୃଷ୍ଟି ହୋଇଥିବା ନ୍ୟାସନାଲ ଇନଷ୍ଟିଚ୍ୟୁଟ ଅଫ ସେସମୋଲୋଜୀ ପକ୍ଷରୁ ସୂଚନା ଦିଆଯାଇଛି ।