କଟକରେ ଭୁଶୁଡ଼ିଲା ଦୁର୍ଗା ପୂଜା ତୋରଣ

କଟକ: ଭୁଶୁଡ଼ିଲା କଟକ ଖାନନଗର ତୋରଣ । ନେତାଜୀ ବସ୍ ଟର୍ମିନାଲ ନିକଟରେ ଦଶହରା ପାଇଁ କରାଯାଇଥିବା ଲାଇଟ ଗେଟଟି ଭୁଶୁଡ଼ି ପଡ଼ିଛି । ସୌଭାଗ୍ୟ ବଶତଃ ଏଥିରେ କାହାର ବିଶେଷ କ୍ଷତି ହୋଇ ନଥିବାବେଳେ ଅନେକ ଗାଡ଼ି ଚାପି ହୋଇଯାଇଛି ।

ସ୍ଥାନୀୟ ଲୋକଙ୍କ କହିବା ଅନୁସାରେ, ଦିନ ପ୍ରାୟ ସାଢେ ଗୋଟାଏରେ ଅଘଟଣ ଘଟିଥିଲା । ସାମାନ୍ଯ ପବନ ଯୋଗୁଁ ତୋରଣଟି ଭୁଶୁଡ଼ି ପଡ଼ିଥିଲା । ପୂଜା କମିଟିର କହିବା ଅନୁସାରେ କୌଣସି ଭାରିଯାନ ଗେଟକୁ ଧକ୍କା ଦେବା ଫଳରେ ଏପରି ଅଘଟଣ ଘଟିଛି । ତେବେ ଦଶହରାକୁ ୫ ଦିନ ବିତିଥିବା ବେଳେ ଏଯାଏଁ କାହିଁକି ତୋରଣକୁ ଖୋଲାଯାଇ ନଥିଲା ସେ ନେଇ ପ୍ରଶ୍ନ ଉଠିଛି ।