କଟକ ଦୁର୍ଗାପୂଜାକୁ ନେଇ ଦ୍ୱନ୍ଦ୍ୱ, ପୁଣି କୋର୍ଟର ଦ୍ୱାରସ୍ଥ ହେଲେ ପୂଜା କମିଟି

କଟକ: କଟକ ଦୁର୍ଗାପୂଜାକୁ ନେଇ ଲାଗି ରହିଛି ଦ୍ୱନ୍ଦ୍ୱ । ଚଳିତବର୍ଷ କଟକଣା ଭିତରେ ପୂଜା ପାଳନ କରିବାକୁ ଜିଲ୍ଲା ପ୍ରଶାସନ ଅନୁମତି ଦେଇଛି । ତେବେ ଏଥିରେ କୋହଳ ପାଇଁ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ସହରର ଏକାଧିକ ପୂଜା କମିଟି । ମଙ୍ଗଳବାର ୭ଟି ପୂଜା କମିଟି ମାମଲା ଦାୟର କରିଥିବା ବେଳେ ବୁଧବାର ପୁଣି ୧୬ଟି କମଟି କୋର୍ଟ ଯାଇଛନ୍ତି । ୩ଟି ଆବେଦନ ନେଇ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ସମସ୍ତ ପୂଜା କମିଟି ।

ଦୁର୍ଗାପୂଜା ନେଇ ପ୍ରଶାସନ ଜାରି କରିଥିବା କଟକଣା କୋହଳ ପାଇଁ ପୂଜାକମିଟି ପୁଣି ହାଇକୋର୍ଟଙ୍କ ଦ୍ୱାରରସ୍ଥ ହୋଇଛନ୍ତି । ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ବଡ଼ ମୂର୍ତ୍ତି, ମଣ୍ଡପରେ ବିନା ପରଦାରେ ପୂଜା ଓ ଚେଚିସ କିମ୍ବା ଟ୍ରାକ୍ଟରରେ ବିସର୍ଜନ କରିବାକୁ ଅନୁମତି ପାଇଁ ପୂଜା କମିଟି ଆବେଦନ କରିଛନ୍ତି । ମଙ୍ଗଳବାର ୭ଟି ପୂଜା କମିଟି ମାମଲା ଦାୟର କରିଥିବା ବେଳେ ଆଜି ପୁଣି ୧୬ଟି କମିଟି କୋର୍ଟ ଯାଇଛନ୍ତି । ଆଗକୁ ଅନ୍ୟମାନେ ମଧ୍ୟ ଆବେଦନ କରିବେ ବୋଲି କହିଛନ୍ତି ଆଇନଜୀବୀ ସୂର୍ଯ୍ୟକାନ୍ତ ସାଙ୍ଗନାରିଆ ।

ଆଉ ଏକମାସ ରହିଲା ମାଆଙ୍କ ପୂଜା । ମହାଳୟା ଦିନ ଖଳିଲାଗି ହେବ । ତେଣୁ ବିଧି ମୁତାବକ ମାଆଙ୍କ ପ୍ରତିମା ନିର୍ମାଣ କାମ ଜୋରସୋରରେ ଚାଲିଛି । ବିନା ଭକ୍ତରେ କୋଭିଡ୍‌ ନିୟମ ମାନି ପୂଜା କରିବା ସପକ୍ଷରେ ଅଛନ୍ତି ସମସ୍ତ ପୂଜା କମିଟି । ତେବେ ପୋଲିସ ପକ୍ଷରୁ କୌଣସି ନିର୍ଦ୍ଦେଶ ନଆସିବାରୁ ବାଧ୍ୟ ହୋଇ ସେମାନେ କୋର୍ଟ ଯାଇଥିବା କହିଛନ୍ତି ।