ଚାଲିଛି ପୂଜା, ମଣ୍ଡପରେ ଲାଗିଲାଣି ଭକ୍ତଙ୍କ ଭିଡ଼

ଭୁବନେଶ୍ବର: ରାଜ୍ୟର ବିଭିନ୍ନ ମଣ୍ଡପରେ ଆରମ୍ଭ ହୋଇଛି ଦୁର୍ଗାପୂଜା । ଷଷ୍ଠୀରେ ବିଲ୍ବବରଣ ପରେ ସପ୍ତମୀରେ ମାଆଙ୍କ ଚକ୍ଷୁଦାନ କରାଯାଇଛି । ସୂଉଚ୍ଚ ତୋରଣ ସାଙ୍ଗକୁ ଆଲୋକମାଳାରେ ଝଟକୁଛି ଟୁଇନସିଟି । ଦେଶବିଦେଶର ପ୍ୟାଲେସ ତୋରଣ ଭିତରେ ସୁନାଚାନ୍ଦିରେ ଝଟକୁଛନ୍ତି ମାଆ । ମୀନା ବଜାର ସାଙ୍ଗକୁ ପୂଜା ପାଇଁ ସବୁଠି ଖଚାଖଚ ଭିଡ଼ ।

ମହାମାୟାଙ୍କ ମହା ସପ୍ତମୀ । ମଣ୍ଡପରେ ଆଧ୍ୟାତ୍ମିକ ମାହେଲ । ଷଷ୍ଠୀରେ ବିଲ୍ବବରଣ ପରେ ମାଆଙ୍କ ଚକ୍ଷୁଦାନ । ସପ୍ତମୀ ପୂଜା ପାଇଁ ସବୁଠି ଖଚାଖଚ ଭିଡ଼ । ଭୁବନେଶ୍ବର ରସୁଲଗଡ଼ରେ ତାଇଓ୍ବାନର ବୁଦ୍ଧ ମନ୍ଦିର ଆକୃତିର ତୋରଣ ଭିତରେ ପୂଜା ପାଉଛନ୍ତି ମାଆ । ତୋରଣରୁ ଉଚ୍ଚତା ୬୫ ଫୁଟ ଥିବାବେଳେ ଚଉଡ଼ା ରହିଛି ୧୨୦ ଫୁଟ । ସେପଟେ ବମିଖାଲ ଚଳିତବର୍ଷ ଆୟୋଜନ କରିଛି ୬୦ ତମ ପୂଜା ଉତ୍ସବ । ଉତ୍ତରପ୍ରଦେଶ ହସ୍ତିନାପୁର ପ୍ୟାଲେସରେ ଶୋଭା ପାଉଛନ୍ତି ଜଗଜ୍ଜନନୀ । ମାଆଙ୍କ ଚକ୍ଷୁଦାନ ପରେ ମଣ୍ଡପରେ ମୂର୍ତ୍ତିରେ ହୋଇଛି ପ୍ରାଣ ପ୍ରତିଷ୍ଠା । ମହା ସପ୍ତମୀରେ ପାଣିତୋଳା ଓ ଘଟସ୍ଥାପନ ହୋଇ ଝାରପଡ଼ା ପୂଜା ମଣ୍ଡପରେ ପୂଜା ପାଉଛନ୍ତି ମାଆ । ଚଳିତବର୍ଷ ମଣ୍ଡପ ୧୩ ତମ ପୂଜା ଉତ୍ସବ ପାଳନ କରୁଥିବବେଳେ ଏଥର ୮୫ ଫୁଟ ଉଚ୍ଚ ଗୋଲଡେନ ତୋରଣ ଭିତରେ ପୂଜା ପାଉଛନ୍ତି ଦୁର୍ଗତନାଶିନୀ । ଚାନ୍ଦିମେଢ ପାଇଁ ମଣ୍ଡପରେ ମୁତୟନ ହୋଇଛନ୍ତି ସଶସ୍ତ୍ର ପୋଲିସ୍ ।

ଷଷ୍ଠୀରେ ବିଲ୍ବବରଣୀ ପରେ ସପ୍ତମୀରେ କଳସ ଶୋଭାଯାତ୍ରାରେ ମଣ୍ଡପକୁ ପବିତ୍ର ଜଳ ଆସି ନବପତ୍ରିକା ସ୍ଥାପନ ଓ ମାଆଙ୍କୁ ଚକ୍ଷୁଦାନ କରାଯାଇ ଆରମ୍ଭ ହୋଇଛି ମହାମାୟାଙ୍କ ପୂଜା ନୀତି । କଟକର ବିଭିନ୍ନ ପୂଜା ମଣ୍ଡପରେ ଆରମ୍ଭ ହୋଇଛି ମାଆଙ୍କ ପୂଜା । ସେପଟେ ସହରରେ ବସବାସ କରୁଥିବା ତେଲଗୁ ସଂପ୍ରଦାୟର ଲୋକ ମାନେ ନବରାତ୍ର ଅବସରରେ ଦେଓ୍ବାନ ବଜାର ବାଲାଜୀ ମନ୍ଦିରରେ ମହାସପ୍ତମୀ ପୂଜା କରିଛନ୍ତି । ଏହି ଅବସରରେ ଶତାଧିକ କୁନି ଓ  କିଶୋରୀ ସରସ୍ଵତୀ ପୂଜା କରିଛନ୍ତି । ପିଲାମାନେ ନୂଆ କରି ପାଠ ଆରମ୍ଭ କରି ଖଡ଼ି ଛୁଇଁଛନ୍ତି ।