ସିଲଭର ସିଟି ନା ନକଲି ନଗର ? କଟକରୁ ଜବତ ହେଲା ୪୦ କ୍ୱିଣ୍ଟାଲ ନକଲି ଚା’

କଟକ: ନକଲି କାରବାରର ହବ ପାଲଟିଛି କଟକ ସହର। ନକଲି କାରବାରକୁ ନେଇ କଟକ ଏବେ ତାର ନୂଆ ପରିଚୟ ସୃଷ୍ଟି କରିଛି। କାରଣ ଏଇ କିଛି ଦିନ ହେବ କଟକରୁ ବିଭିନ୍ନ ପ୍ରକାରର ନକଲି ସାମଗ୍ରୀ ତିଆରି ହେଉଥିବା ସ୍ଥାନ ଉପରେ ରେଡ ହୋଇଛି। ଯାହା ଜଣାପଡ଼ୁଛି ସିଲଭରସିଟିରେ ସବୁ ଭେଜାଲ। ଘିଅ ତେଲ ଓ ପନୀର ପରେ ଚା’ ପତି ବି ନକଲି।

ଆଜି ପୁଣି କଟକରେ ଅପମିଶ୍ରିତ ଚା’ ଗୋଦାମ ଉପରେ ଜଢାଉ ହୋଇଛି। ନକଲି ଚା’ ତିଆରି ହେଉଥିବା ଖବର ପାଇଁ କଟକ ସଦର ପୋଲିସ ଚଢାଉ କରିଛି। ତେବେ ପୋଲିସର ଚଢ଼ାଉ ବେଳେ ୬୦ କ୍ୱିଣ୍ଟାଲ ଚା ଜବତ ହେବା ସହ ପୋଲିସ ଜଣକୁ ଅଟକ ରଖିଛି। ଅଟକ ରହିଥିବା ବ୍ୟକ୍ତି ହେଉଛନ୍ତି ଶରତ ବିଶ୍ୱାଳ। କଟକ ସଦର ମୁକାମେଶ୍ୱର ଅଞ୍ଚଳରେ ଚାଲିଥିଲା ଅପମିଶ୍ରଣ ଚା ତିଆରି। ଯଦି ଦେଖିବା ଏହି ଚା ତଆରି ହେବା ପରେ କଟକର ବିଭିନ୍ନ ସ୍ଥାନକୁ ପଠାଯାଇଥାନ୍ତା।

 ବିଭିନ୍ନ ଗଛର ପତ୍ର, କାଠ ଗୁଣ୍ଡ ଓ ଶସ୍ତା ଚା’ ମିଶାଇ ବଡ ବଡ ବ୍ରାଣ୍ଡ ନାଁରେ ଚାଲିଥିଲା ବେଧଡ଼କ ବ୍ୟବସାୟ । ପୋଲିସ ଓ ଖାଦ୍ୟ ସୁରକ୍ଷା ଅଧିକାରୀ ଚଢାଉ କରି ପ୍ୟାକେଜିଂ ମେସିନ ମଧ୍ୟ ଜବତ କରିଛନ୍ତି । ନୂଆ ବର୍ଷରେ କଟକରୁ ନକଲି ଚା’ କାରଖାନା ଠାବ । ଅସଲି ବ୍ରାଣ୍ଡରେ ପ୍ରିମିୟମ ପ୍ୟାକେଟରେ ବିକ୍ରି ହେଉଥିଲା ଅପମିଶ୍ରିତ ଚା’ । ଚା’ ନାଁରେ ବଜାରକୁ ଯାଉଥିଲା ବିଷ । କଟକରେ ନକଲି ଓ ଅପମିଶ୍ରଣ କଳା କାରନାମା ଥମିବାରେ ନାଁ ନେଉନଥିବାବେଳେ ନୂଆ ବର୍ଷ ଆରମ୍ଭରୁ ମୁକାମେଶ୍ବର ଗାଁରେ ଏକ ବଡ ଅପମିଶ୍ରିତ ଚା’ ଗୋଦାମ ଠାବ ହୋଇଛି ।

ଏଠାରେ ଚାକୁଣ୍ଡା ପତ୍ର, କାଠ ଗୁଣ୍ଡ, ଶସ୍ତା ଚା’ ମିଶାଇ ବଡ ବଡ ବ୍ରାଣ୍ଡ ନାଁରେ ପ୍ୟାକିଂ କରାଯାଇ ବଜାରକୁ ଛଡା ଯାଉଥିଲା । ଚାରି ପାଞ୍ଚ ବର୍ଷ ହେବ ଟାଟା ପ୍ରିମିୟମ, ଟାଟା ଗୋଲଡ, ମାଇଁ ଟି, ଲିଲା ଟି ନାଁରେ ଚାଲିଥିଲା ବେଫିକର ବ୍ୟବସାୟ । ଆଜି ପୋଲିସ ଓ ଖାଦ୍ୟ ସୁରକ୍ଷା ଅଧିକାରୀ ଚଢାଉ କରି ୬୦ କ୍ବିଇଣ୍ଟାଲରୁ ଅଧିକ ପରିମାଣର ନକଲି ଚା’ ଜବତ କରିବା ସହିତ ସୁରେଶ ବିଶ୍ବାଳ ନାମକ ଜଣେ ବ୍ୟବସାୟୀଙ୍କୁ ଅଟକ ରଖିଛି । ପୋଲିସ ଗୋଦାମ ସିଲ କରିବା ସହିତ ଚା’ ସାମ୍ପୁଲ ସଂଗ୍ରହ କରି ପରୀକ୍ଷା ପାଇଁ ପଠାଇଛି । ପୂର୍ବରୁ ଯୋଗାଣ ବିଭାଗର ସିରିଜ ଚଢାଉରେ ମସଲା ମସଲି, ଘିଅ, ତେଲ, ପନିର ଆଦି କାରଖାନ ଠାବ କରି ସିଲ କରାଯାଇଛି ।