ଏଟିଏମ୍ରୁ ବାହାରୁଛି ନକଲି ନୋଟ୍
ଜୟପୁର: ଏବେ ଏଟିଏମ୍ ବି ଦେଉଛି ଜାଲ୍ ଟଙ୍କା । ଜୟପୁର ସହରରେ ଦେଖିବାକୁ ମିଳିଛି ଏଭଳି ଘଟଣା । ସ୍ଥାନୀୟବାସିନ୍ଦା ହିତେଶ ଦାଶ ବ୍ୟାଙ୍କ ଅଫ୍ ଇଣ୍ଡିଆରୁ ଉଠାଇଥିଲେ ୩ ଶହ ଟଙ୍କା । ହେଲେ ଏହି ଟଙ୍କା ମଧ୍ୟରେ ଥିଲା ଗୋଟିଏ ଜାଲ୍ ଦୁଇଶହ ଟଙ୍କିଆ ନୋଟ୍ ।
ଏନେଇ ହିତେଶ ବ୍ୟାଙ୍କ ଅଫ୍ ଇଣ୍ଡିଆକୁ ଯାଇ ପଚାରିବାରୁ ଏହାକୁ ନେଇ ତଦନ୍ତ କରାଯିବ ବୋଲି କହିଛନ୍ତି ବ୍ୟାଙ୍କ କର୍ତ୍ତୃପକ୍ଷ । ହେଲେ ଘଟଣାକୁ ବ୍ୟାଙ୍କ କର୍ତ୍ତୃପକ୍ଷ ଗୁରୁତର ସହ ନେଇନଥିବାରୁ ଟାଉନ୍ ଥାନାରେ ଅଭିଯୋଗ କରିଛନ୍ତି ହିତେଶ । ଅଭିଯୋଗ ପାଇବା ପରେ ତଦନ୍ତ ଆରମ୍ଭ କରିଛି ପୋଲିସ ।
