ରାୟଗଡ଼ା: ନକଲି ଖଣି ଅଧିକାରୀଙ୍କୁ ସୁରକ୍ଷା ଦେଉଛନ୍ତି ଅସଲି ଖଣି ଅଧିକାରୀ । ରାୟଗଡା ଜିଲ୍ଲା ଗୁଣୁପୁର ଅଂଚଳରୁ ଆସିଛି ଏଭଳି ଅଭିଯୋଗ। ଜଣେ ଯୁବକ ନିଜକୁ ଖଣି ବିଭାଗରରେ କାମ କରୁଥିବା ପରିଚୟ ଦେଇ ବଂଶଧାରା ନଦୀରୁ ବାଲି ବୋଝେଇ ନେଇ ଆସୁଥିବା ୪ଟି ଟ୍ରାକ୍ଟରକୁ ବାଇପାସ୍ ରୋଡ୍ ନିକଟରେ ଅଟକାଇ ଯାଞ୍ଚ କରିଥିଲେ। ଟ୍ରାକ୍ଟରର ଆବଶ୍ୟକ କାଗଜପତ୍ର ନଥିବାରୁ ଚଢା ଜରିମାନା ମାଗୁଥିଲେ। ନକଲି ଖଣି ଅଧିକାରୀଙ୍କ ପରିଚୟ ଜଣାପଡିବା ପରେ ସେ ହଡବଡେଇଯାଇ ଅସଲି ଖଣି ଅଧିକାରୀଙ୍କୁ ଡାକିଥିଲେ।
ଏହାପରେ ଅସଲି ଖଣି ଅଧିକାରୀ ଆସି ଟ୍ରାକ୍ଟରର ଦସ୍ତାବିଜ ଯାଞ୍ଚ କରି ୪୦ ହଜାର ଟଙ୍କା ଜରିମାନେ କରିଥିଲେ । ଅସଲି ଖଣିଅଧିକାରୀଙ୍କ ସହ ନକଲି ଅଧିକାରୀଙ୍କ ମଧୁ ଚନ୍ଦ୍ରିକା ଥିବା ଜଣାପଡିଛି । ଏହା ଜଣାପଡିବା ପରେ ଅସଲି ଖଣି ଅଧିକାରୀ ହଡବଡାଇ ନିଜ ମୁହଁକୁ ଲୁଚାଇବାକୁ ପଛାଇନଥିଲେ। ମୁହଁକୁ ଏକ କପଡ଼ାରେ ଘୋଡାଇ ଲୁଚାଇ ରଖୁଥିଲେ। ଏହାପରେ ନକଲି ଅଧିକାରୀଙ୍କୁ ତାଙ୍କ କାରରେ ବସାଇ ଗୁଣପୁର ଥାନାକୁ ଯିବାର ଅଛି କହି ଘଟଣାସ୍ଥଳରୁ ଛୁ ମାରିଥିଲେ। ନକଲି ବ୍ୟକ୍ତିଙ୍କୁ ଢାଲ କରି ଜରିମାନା ଆଦାୟ କରିବାକୁ ନେଇ ସନ୍ଦେହ ସୃଷ୍ଟି ହୋଇଛି । ବେଆଇନ ଭାବେ ଜରିମାନା ଆଦାୟ ଅର୍ଥ ବାରମାରଣ ଅଭିଯୋଗ ହେଉଛି।
