ବଢୁଛି ଔଷଧ ନକଲି କାରବାର, ବାରିପଦାରେ ଚଢାଉ

ମୟୂରଭଞ୍ଜ: ରାଜ୍ୟର କେତେକ ଜିଲ୍ଲାରେ ନକଲି ଔଷଧ କାରବାର ବିରୋଧରେ ତଦନ୍ତ ପରିପ୍ରେକ୍ଷୀରେ ବାରିପଦାର ଦୁଇ ଟି ଔଷଧ ଦୋକାନରେ ଚଢାଉ। ମୟୂରଭଞ୍ଜ ଜିଲ୍ଲା ଡ୍ରଗ୍ସ ଇନ୍ସପେକ୍ଟର ରୁଦ୍ର ନାରାୟଣ ସାହୁଙ୍କ ନେତୃତ୍ୱରେ ବାରିପଦା ର ଲାଲ ଵଜାର ଠାରେ ଥିବା ସନ୍ତୋଷ ମେଡିକାଲ ଏଜେନ୍ସି ଓ ଦେଉଳ ସାହି ଠାରେ ଥିବା ସରସ୍ଵତୀ ଫାର୍ମାସ୍ୟୁଟିକାଲ୍ସ ଔଷଧଦୋକାନରେ ଚଢାଉ କରାଯାଇଛି ।

ଚଢାଉ ହୋଇଥିବା ଦୋକାନରୁ ସମ୍ପୃକ୍ତ ମେଡିଲଏଡ ମେଡିକାମେଣ୍ଟ କମ୍ପାନୀ ର ୯୨ ହଜାର ଟଙ୍କା ରୁ ଉର୍ଦ୍ଧ୍ବ ମୂଲ୍ୟର ନକଲି ଔଷଧ ଜବତ କରାଯାଇଛି। ଜବତ ହୋଇଥିବା ସ୍ନିଜି ୫୦୦ ଏବଂ ଏମ ଡି- ଟିଵିଆର ଟାବଲେଟ ଗୁଡ଼ିକ ପରୀକ୍ଷା ପାଇଁ ଭୁବନେଶ୍ବର ପଠାଯିବ ଏବଂ ସେମାନଙ୍କ ନାମ ରେ ଡ୍ରଗ୍ସ ଏଣ୍ଡ କସମେଟିକ ଆଇନ ୧୯୪୦ ର ୧୭(ବି) (ସି) ଧାରା ରେ ମାମଲା ରୁଜୁ କରାଯିବ ବୋଲି ମୟୂରଭଞ୍ଜ ଜିଲ୍ଲା ଡ୍ରଗ୍ସ ଇନ୍ସପେକ୍ଟର କହିଛନ୍ତି।