ଧରାପଡ଼ିଲା ନକଲି ମାଓବାଦୀ, ଧମକ ଦେଇ ଲୋକଙ୍କୁ ମାଗୁଥିଲେ ଟଙ୍କା

କନ୍ଧମାଳ: କନ୍ଧମାଳ ଜିଲ୍ଲା କୋଟଗଡ଼ରେ ଫେକ୍ ମାଓବାଦୀ ଗିରଫ । ଗିରଫ ବ୍ୟକ୍ତିଜଣକ ହେଲେ ଜୁଡ଼ାବାଲି ଗ୍ରାମର ବିଶିମାଝୀ । ନିଜକୁ ମାଓବାଦୀ ବୋଲି ପରିଚୟ ଦେଇ ଧରାକୋଟ ଜିଆରଏସ୍ ଉତ୍ତମ ଉଠାଣସିଂଙ୍କୁ ଧମକ ଦେଇ ଟଙ୍କା ମାଗୁଥିଲେ ବିଶି ମାଝି । ବାରମ୍ବାର ଟଙ୍କା ମାଗିବା ସହିତ ମାରିଦେବାକୁ ଧମକ ଦେଉଥିଲେ ଏହି ଫେକ୍ ମାଓବାଦୀ ।

ଜିଆରଏସଙ୍କ ଘର ସାମ୍ନାରେ ମାଓବାଦୀ ନାମରେ ଏକ ଫେକ୍ ପୋଷ୍ଟର ପକାଇ ତାଙ୍କୁ ଭୟଭିତ କରିଥିଲେ । ପରେ ଜିଆରଏସ ଜଣକ ଏନେଇ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୋଲିସ୍ ତଦନ୍ତ କରି ଜୁଡ଼ାବାଲି ଅଞ୍ଚଳର ଫେକ୍ ମାଓବାଦୀ ହାରଣ ବିଶିମାଝୀକୁ ଗିରଫ କରି କୋର୍ଟ ଚାଲାଣ କରିଛି ।