ଖରାକୁ ଦୃଷ୍ଟିରେ ରଖି ରାଜ୍ୟରେ ଟିକାକରଣ ପାଇଁ ୭ଶହ ସେଣ୍ଟର ବୃଦ୍ଧି କରାଯାଇଛି
1 min read
ଭୁବନେଶ୍ୱର: ରାଜ୍ୟରେ ଚାଲିଛି ଦ୍ୱିତୀୟ ପର୍ଯ୍ୟାୟ ଟିକାକରଣ। ସ୍ୱାସ୍ଥ୍ୟକର୍ମୀ ଓ ସମ୍ମୁଖ ଯୋଦ୍ଧାଙ୍କ ଟିକାକରଣ ଟାର୍ଗେଟ ପାଖାପାଖି ହାସଲ କରିଛନ୍ତି ରାଜ୍ୟ ସରକାର। ଏବେ ବୟସ୍କ ଲୋକଙ୍କ ଟିକାକରଣ ଉପରେ ଗୁରିତ୍ୱ ଦିଆଯାଉଛି। ଖରାକୁ ଦୃଷ୍ଟିରେ ରଖି ୭ଶହ ସେଣ୍ଟର ବୃଦ୍ଧି କରାଯାଇଛି। ଆଗକୁ ସେଣ୍ଟର ସଂଖା ଆହୁରି ବଢ଼ାଇବାକୁ ଲକ୍ଷ୍ୟ ରଖାଯାଇଛି। ପ୍ରତିଦିନ ୧ ଲକ୍ଷ ବୟସ୍କ ଲୋକଙ୍କୁ ଟିକାକରଣ ଟାର୍ଗେଟ ରହିଛି। ଏଣିକି ରବିବାର ଓ ଛୁଟିଦିନ ବ୍ୟତୀତ ସବୁ ଦିନ ଟିକାକରଣ ଚାଲିବ ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ କହିଛନ୍ତି। ସେପଟେ ଜନସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ନିରଂଜନ ମିଶ୍ର କହିଛନ୍ତି ଯିଏ ବାହାର ରାଜ୍ୟରୁ ଆସୁଛନ୍ତି, ସେମାନଙ୍କ ସର୍ଭିଲାନ୍ସ ବଢ଼ାଯାଇଛି । WHO ନିର୍ଦ୍ଦେଶ ଅନୁସାରେ ଟେଷ୍ଟ ବଢ଼ାଯିବ। ଏଥିସହ କଣ୍ଟାକ୍ଟ ଟ୍ରେସିଂ କରି ସଂକ୍ରମଣର ସ୍ଥିତି ସଂପର୍କରେ ପରଖାଯିବ ବୋଲି ଜନସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି।