ତିନିଦିନ ହେଲା ପିଲାଙ୍କୁ ମିଳୁନି ମଧ୍ୟାହ୍ନ ଭୋଜନ, ହେଲେ ସ୍କୁଲରେ ରୋଷେଇ କରି ଖାଉଛନ୍ତି ଶିକ୍ଷକ
ଦେବଗଡ଼: ପିଲା ସ୍କୁଲକୁ ଆଓିବେ ପାଠ ପଢ଼ିବେ ଆଉ ମଧ୍ୟହ୍ନ ଭୋଜନ ବି ଖାଇବେ । ତିନି ଦିନ ହେବ ଚାଉଳ ନଥିବାରୁ ସ୍କୁଲରେ ମଧ୍ୟହ୍ନ ଭୋଜନ ବନ୍ଦ ହୋଇଯାଇଛି । ହେଲେ ଶିକ୍ଷକ ସ୍କୁଲ ପରିସରରେ ରୋଷେଇ କରି ଖାଉଛନ୍ତି । ଏଭଳି ଅଭିଯୋଗ ଆସିଛି ତିଳେଇବଣି ବ୍ଲକ କଂସର ସରକାରୀ ଉଚ୍ଚ ପ୍ରାଥମିକ ବିଦ୍ଯାଳୟରୁ ।
ସ୍କୁଲରେ ମୋଟ ୧୧୦ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ଗତ ତିନି ଦିନ ତଳୁ ମଧ୍ଯାହ୍ନ ଭୋଜନ ଚାଉଳ ସରିଯାଇଛି । ଏନେଇ ପ୍ରଧାନଶିକ୍ଷକ ଜାଣିଥିଲେ ବି ସିଆରସିଙ୍କୁ ସୂଚନା ଦିଆଟାଇଛି କହି କାମ ସାରି ଦେଇଛନ୍ତି । ଫଳରେ ଛାତ୍ରଛାତ୍ରୀମାନେ ମଧ୍ଯାହ୍ନ ଭୋଜନ ପାଇବାରୁ ବଞ୍ଚିତ ହେଉଛନ୍ତି । ଏପରିକି ପିଲାମାନେ ନିଜ ଘରୁ ପଖାଳ ଆଣି ସ୍କୁଲରେ ଖାଉଥିବା ଦେଖିବାକୁ ମିଳିଛି ।
ଗୋଟିଏ ପଟେ ପିଲା ମଧ୍ଯାହ୍ନ ଭୋଜନ ପାଉ ନଥିବାବେଳେ ଅନ୍ଯପଟେ ଶିକ୍ଷକମାନେ ସ୍କୁଲରେ ରୋଷେଇ କରି ଖାଉଥିବା ଅଭିଯୋଗ ହୋଇଛି । ଯାହାକୁ ନେଇ ଅଭିଭାବକଙ୍କ ମହଲରେ ଅସନ୍ତୋଷ ଦେଖାଦେଇଛି ।
