ଭୁବନେଶ୍ବର: ଗାଡି ଚୋରି କରିବାକୁ ଆସିଛି, କିନ୍ତୁ ମାଲ ପିଇ ମାତାଲ ହୋଇଯାଇଛି ଚୋର। ଭାଇରାଲ ହେଉଛି ମଦ୍ୟପ ଗାଡି ଚୋରିର ଏକ୍ସକ୍ଲୁସିଭ୍ ସିସିଟିଭି ଭିଜୁଆଲ। ବାଇକ ଚୋରି କରିଛି ସତ, କିନ୍ତୁ ନେବା ବେଳେ ଗାଡିକୁ ୩ ଥର ଫୋପାଡୁଛି। ଏଭଳି ଏକ ଘଟଣା ଦେଖିବାକୁ ମିଳିଛି ଖଣ୍ଡଗିରି ଥାନା ଅନ୍ତର୍ଗତ ଧର୍ମବିହାରରେ।
ଗାଡି ଚୋରି କରିବା ବେଳେ ରାସ୍ତା ଉପରେ ନିଶାସକ୍ତ ଅବସ୍ଥାରେ ବାରମ୍ବାର ପଡୁଛି ଚୋର। ଗାଡି ଉପରେ ବସିବାକୁ ମଧ୍ୟ ସକ୍ଷମ ହୋଇପାରୁନାହିଁ। ଶେଷରେ ବହୁ କଷ୍ଟରେ ଗାଡି ଚୋରି କରି ନେଇଯାଉଛି। ଏନେଇ ଖଣ୍ଡଗିରି ଥାନାରେ ଏତଲା ମଧ୍ୟ ଦିଆଯାଇଛି। ପୋଲିସ ସିସିଟିଭି ପାଇବା ପରେ ଛାନଭିନ ଆରମ୍ଭ କରିଛି।
