Cruise party Drugs Case: ଏନସିବିକୁ ଡ୍ରଗ୍ସ ମିଳିନଥିବା ଦାବି କଲେ ମହାରାଷ୍ଟ୍ର ମନ୍ତ୍ରୀ

ମୁମ୍ବାଇ: ମୁମ୍ବାଇରୁ ଗୋଆ ଯାଉଥିବା କ୍ରୁଜ୍ ଉପରେ ଗତ କିଛି ଦିନ ତଳେ ଏନସିବି ଚଢାଉ କରିଥିଲା । ଯେଉଁଥିରେ ବିପୁଳ ପରିମାଣର ଡ୍ରଗ୍ସ ଜବତ ହୋଇଥିଲା । ଏହି ରେଡକୁ ମିଛ ବୋଲି କହିବା ସହ ଏହା ପଛରେ ବିଜେପିର ହାତ ଥିବା ଦାବି କରିଛନ୍ତି ମହାରାଷ୍ଟ୍ର ମନ୍ତ୍ରୀ ନବାବ ମଲିକ।

ଏହି ରେଡ୍ ଘଟଣାରେ ବଲିଉଡ୍ କିଙ୍ଗ ଶାହରୁଖ ଖାନଙ୍କ ପୁଅ ଆର୍ଯ୍ୟନ୍ ଖାନଙ୍କୁ ଗିରଫ କରାଯାଇଥିଲା ।

ଏକ ପ୍ରେସ୍ କନଫରେନ୍ସରେ ଏନସିପି ନେତା ଦାବି କରିଛନ୍ତି ଯେ, କ୍ରୁଜ୍ ଲାଇନର ଉପରେ ହୋଇଥିବା ଏନସିବି ରେଡ୍ ମିଛ । ଏହି ଘଟଣାରେ ମୋଟ୍ ୮ ଜଣ ଗିରଫ ହୋଇଛନ୍ତି । ଏହି ଗିରଫଙ୍କ ମଧ୍ୟରେ ଆର୍ଯ୍ୟନ ଖାନ୍ ସାମିଲ୍ । ଏହି କ୍ରୁଜରେ ଡ୍ରଗ୍ସ ଜବତ ହୋଇନାହିଁ । ଗିରଫ ବ୍ୟକ୍ତିଙ୍କୁ ଏନସିବି ଖାଲି ଫସାଇବାକୁ ଚାହୁଁଥିବା ବେଳେ ବିଜେପି ନେତା ମାନେ ଏହି ରେଡର ଅଂଶ ବୋଲି ସେ ପ୍ରକାଶ କରିଛନ୍ତି ।