Actress Arrested: ଡ୍ରଗ୍ସ ଲିଙ୍କରେ ଗିରଫ ହେଲେ କେଉଁ ଅଭିନେତ୍ରୀ ?
1 min read
ବେଙ୍ଗଳୁରୁ: ସୁଶାନ୍ତ ସିଂହ ମୃତ୍ୟୁରେ ଡ୍ରଗ୍ସକୁ ଖୋଳତାଡ଼ ଜାରି ରଖିଛି NCB ବା ନାର୍କୋଟିକ୍ସ୍ କଣ୍ଟ୍ରୋଲ୍ ବ୍ୟୁରୋ । ଅନ୍ୟପଟେ ଦକ୍ଷିଣ ଭାରତରୁ ଡ୍ରଗ୍ସ ଲିଙ୍କରେ ଗିରଫ ହୋଇଛନ୍ତି ଅଭିନେତ୍ରୀ । ସ୍ୟାଣ୍ଡଲବୁଡ୍ ଡ୍ରଗ୍ ରାକେଟ କେସ କନ୍ନଡ଼ ଫିଲ୍ମ ଇଣ୍ଡଷ୍ଟ୍ରିକୁ ଦୋହଲାଇ ଦେଇଛି । NDPS ଆକ୍ଟରେ କର୍ଣ୍ଣାଟକ କ୍ରାଇମବ୍ରାଞ୍ଚ ଅଭିନେତ୍ରୀଙ୍କୁ ଗିରଫ କରିଛି । ଏହି ମାମଲାରେ ଏବେ ଯାଏଁ ୪ ଜଣଙ୍କୁ ଗିରଫ କରିସାରିଲାଣି କ୍ରାଇମବ୍ରାଞ୍ଚ । ଏହି ମାମଲାରେ ଆରଟିଓ କ୍ଲର୍କ ରବି ଶଙ୍କର, ଇଣ୍ଟରିୟର ଡିଜାଇନର ରାହୁଲ, ଆକ୍ଟ୍ରିସ୍ ରାଗିନି ଓ ପାର୍ଟି ହୋଷ୍ଟ ବିରେନଙ୍କୁ ଗିରଫ କରାଯାଇଛି ।
Karnataka: Kannada actress Ragini detained by Central Crime Branch (CCB) in Bengaluru, in connection with a drug case. https://t.co/SfKkw9kmXC pic.twitter.com/mj4iRwROrI
— ANI (@ANI) September 4, 2020
ଏନେଇ ବେଙ୍ଗଳୁରୁ ପୋଲିସ କମିଶନର କମଳ ପନ୍ଥ ସୂଚନା ଦେଇଛନ୍ତି । ବିଗତ ମାସେ ହେଲା ପୋଲିସ ଏହି ରାକେଟକୁ ଧରିବାକୁ ଜାଲ୍ ବିଛାଇ ଥିଲା । ତଦନ୍ତ ବେଳେ ପୋଲିସ ଜାଣିବାକୁ ପାଇଥିଲା ଏହି ଡ୍ରଗ୍ସ ରାକେଟ ଭିଭିଆଇପି ଓ ରୂପେଲି ପରଦା ସହ ଜଡ଼ିତ । ଏମାନଙ୍କ ଗ୍ରାହକ ହେଉଛନ୍ତି ଅଭିନେତା ଓ ଅଭିନେତ୍ରୀ ।
ପୋଲିସ ତଦନ୍ତରୁ ପ୍ରଥମେ ଜୟନଗର RTOରେ କ୍ଲର୍କ ଥିବା ରବିଶଙ୍କର ପାଖରେ ପହଞ୍ଚିଥିଲା । ଯିଏ କି ପାର୍ଟି ଆଟେଣ୍ଡ କରିବା ସହ ଡ୍ରଗ୍ସ ସପ୍ଲାଏ କରୁଥିଲା । ପୋଲିସ ତାକୁ ପଚରାଉଚରା କରିବା ସହ ତା ଫୋନରୁ କେତେକ ଗୁରୁତ୍ୱପୂର୍ଣ୍ଣ ତଥ୍ୟ ପାଇଥିଲା । ତେବେ, ରବି ଅନ୍ୟ କାରଣ ଦେଇ ଡ୍ରଗ୍ସ ହାତେଇବା ପରେ ପାର୍ଟିକୁ ସପ୍ଲାଏ କରୁଥିବା ଜେରା ବେଳେ ଜାଣିବାକୁ ପାଇଥିଲା ପୋଲିସ ।
ଏହାପରେ ପୋଲିସର ସେଣ୍ଟ୍ରାଲ୍ କ୍ରାଇମବ୍ରାଞ୍ଚ ୪ ଜଣଙ୍କୁ ଗିରଫ କରିଛି । ଏଥିରେ ରାହୁଲ ନାମକ ଇଣ୍ଟରିୟର ଡିଜାଇନର ଗିରଫ ହୋଇଛି । ସେ ପାର୍ଟିଗୁଡ଼ିକରେ ଯୋଗ ଦେଉଥିଲା । ଏବେ ଅଭିନେତ୍ରୀ ରାଗିଣୀ ଦ୍ୱିବେଦୀଙ୍କୁ ଜେରା କରାଯାଉଥିବା ନେଇ ପୋଲିସ କମିଶନର କମଳ ସୂଚନା ଦେଇଛନ୍ତି ।
