୬ଜଣ ନିଖୋଜ ଘଟଣା: ମିଳିଲା ଶେଷ ଜଣଙ୍କର ମୃତ ଦେହ

ଯାଜପୁର: ଯାଜପୁର ଖରସ୍ରୋତା ନଦୀରେ ୬ ଜଣ ନିଖୋଜ ଘଟଣା । ମିଳିଲା ଆଉ ଜଣଙ୍କର ମୃତଦେହ । ବିଶ୍ୱଜିତ ଜେନା ଓରଫ ବବୁଲକୁ ଉଦ୍ଧାର କଲା ଉଦ୍ଧାରକାରୀ ଟିମ୍ । ମୋଟ୍ ୬ଜଣଙ୍କର ମୃତଦେହ ଉଦ୍ଧାର ହୋଇଗଲା । ପୂର୍ବରୁ ୫ ଜଣଙ୍କ ମୃତଦେହ ଉଦ୍ଧାର ହୋଇଛି । ଆଜି ତୃତୀୟ ଦିନରେ ସର୍ଚ୍ଚ ଅପରେସନ ବେଳେ ଆଉ ଏକ ମୃତଦେହ ଉଦ୍ଦାର ହୋଇଛି । ଗତକାଲି ୩ ଜଣଙ୍କ ମୃତ ଦେହ ଉଦ୍ଧାର ହୋଇଥିବା ବେଳେ ଶୁକ୍ରବାର ୨ ଜଣଙ୍କ ମୃତଦେହ ମିଳିଥିଲା । ଗତକାଲି କ୍ରିଷ୍ଣା, କରନ ଜେନା, ଓ ରଶ୍ମିରଞ୍ଜନ ଜେନାଙ୍କ ମୃତ ଦେହ ଉଦ୍ଧାର କରାଯାଥିଲା ।

https://youtu.be/FzLki9W9spg

ଶୁକ୍ରବାର ଦିନ ହୋଲି ଖେଳିସାରି ଗାଧୋଇବାକୁ ଯାଇ ଭାସିଯାଇଥିଲେ ୭ଜଣ । ମଙ୍ଗଳା ଘାଟରେ ଗାଧୋଇବା ବେଳେ ଗୋଡ଼ ଖସି ଯିବାରୁ ସମସ୍ତେ ଭାସିଯାଇଥିଲେ । ଫେରିବାରେ ବିଳମ୍ବ ହେବାରୁ ଘର ଲୋକଙ୍କ ଖୋଜାଖୋଜି ପରେ ନଦୀ କୂଳରେ ସମସ୍ତଙ୍କର ସାର୍ଟପ୍ୟାଣ୍ଟ ଚପଲ ଦେଖି ପିଲାମାନେ ଭାସି ଯାଇଥିବା ଜାଣିବାକୁ ପାଇଥିଲେ ।  ଜଣଙ୍କୁ ସେହିଦିନ ଜୀବିତ ଅବସ୍ଥାରେ ଉଦ୍ଧାର କରାଯାଇଥିଲା ।