ପୋଖରୀରେ ବୁଡି ଯୁବକଙ୍କ ମୃତ୍ୟୁ

ଲକ୍ଷ୍ମୀ ପୂଜା ଦେଖିବାକୁ ମାମୁଁ ଘର ଗାଁକୁ ବୁଲି ଆସିଥିଲେ, କିନ୍ତୁ ଗାଁ ପୋଖରୀରେ ଗାଧୋଉଥିବା ବେଳେ ପାଣିରେ ବୁଡି ଚାଲିଗଲା  ଜୀବନ । ଏଭଳି ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ଥାନା ରଘୁନାଥପୁର ଗାଁରେ । ମୃତକ ହେଉଛନ୍ତି ନିକଟସ୍ଥ କମାଗଡ଼ ଗ୍ରାମର କ୍ଷୀରୋଦ ବଳଙ୍କ ପୁଅ ସତ୍ୟବ୍ରତ ବଳ। ସେ ଯୁକ୍ତ ୨ରେ ପାଠ ପଢ଼ୁଥିବା ବେଳେ ଲକ୍ଷ୍ମୀ ପୂଜା ଦେଖିବା ପାଇଁ ମାମୁଁ ଘର ରଘୁନାଥପୁର ଗ୍ରାମକୁ ବୁଲି ଆସିଥିଲେ।

ସୂଚନା ଅନୁଯାୟୀ, ଆଜି ସକାଳେ ଗାଁ ପୋଖରୀରେ ଗାଧୋଇବା ସମୟରେ ହଠାତ୍ ସେ ପାଣିରେ ବୁଡି ଯାଇଥିଲେ। ପରେ ଗ୍ରାମବାସୀ ତାଙ୍କୁ ପାଣିରୁ ଉଦ୍ଧାର କରି ସ୍ଥାନୀୟ ଧର୍ମଶାଳା ମେଡିକାଲରେ ଭର୍ତ୍ତି କରିଥିଲେ । ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ଧର୍ମଶାଳା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ମୃତଦେହକୁ ବଡ଼ଚଣା ମେଡିକାଲ ପଠାଇ ଘଟଣାର ତଦନ୍ତ ଚଲାଇଛି । ')}

Leave a Reply

Your email address will not be published.