ଖୋଲୁଛି ମଣିଷ ମରା ଲେଡି ଇନ୍ସପେକ୍ଟରଙ୍କ ଦୁର୍ଘଟଣା ଗୁମର

ନୟାଗଡ଼: ସୁବର୍ଣ୍ଣପୁର ଜିଲ୍ଲା ଖାରୀ ନିକଟରେ ମର୍ମନ୍ତୁଦ ସଡକ ଦୁର୍ଘଟଣାର ଖୋଲୁଛି ଗୁମର । ଇନ୍ସପେକ୍ଟର ମ୍ୟାଡାମଙ୍କ ଗାଡ଼ି ଚଳାଉଥିଲେ ଲାଇସେନ୍ସ ନଥିବା ଡ୍ରାଇଭର । ଦୁର୍ଘଟଣା ଘଟାଇଥିବା ପୋଲିସ ଇନ୍ସପେକ୍ଟର ସ୍ନିଗ୍ଧାରାଣୀ ସୁନାଙ୍କ ଡ୍ରାଇଭରଙ୍କର ନଥିଲା ଲାଇସେନ୍ସ ।  ଡ୍ରାଇଭର ଅଜୟ ଜଟିଙ୍କୁ ଗିରଫ କରି ପଚରାଉଚରା ପରେ ସାମ୍ନାକୁ ଆସିଛି ସତ ।

ଦୁର୍ଘଟଣା ସମୟରେ ଗାଡ଼ିରେ ସ୍ନିଗ୍ଧାରାଣୀଙ୍କ ସହିତ କେବଳ ଡ୍ରାଇଭର ହିଁ ଥିଲେ । ଲାଇସେନ୍ସ ନଥିବା ଜାଣି ମଧ୍ୟ ଅଜୟଙ୍କୁ ଗାଡ଼ି ଚଳାଇବାକୁ ଦେଇଥିଲେ ସ୍ନିଗ୍ଧାରାଣୀ । ଅଜୟଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବାବେଳେ ଇନ୍ସପେକ୍ଟଙ୍କ ନାଁରେ ରୁଜୁ ହୋଇଛି ମାମଲା । ବିନା ଲାଇସେନ୍ସରେ ନିଜ ଗାଡି ଅନ୍ୟକୁ ଚଳାଇବାକୁ ଦେବା ଓ ଦୁର୍ଘଟଣା ପରେ ଘଟଣାସ୍ଥଳରୁ ଫେରାର ହେବା ଅଭିଯୋଗରେ ତାଙ୍କ ନାଁରେ ୧୮୦ ଓ ୧୮୭ ଏଭି ଆକ୍ଟରେ ମାମଲା ରୁଜୁ ହୋଇଥିବା ଏସପି କହିଛନ୍ତି ।

ଗତ ୧୨ତାରିଖରେ ବଲାଙ୍ଗୀର-ସୋନପୁର ଜାତୀୟ ରାଜପଥ ବଡ଼ବାହାଲ ନିକଟରେ ଘଟିଥିଲା ମର୍ମନ୍ତୁଦ ସଡ଼କ ଦୁର୍ଘଟଣା । ରଙ୍ଗ ରୁଟରେ ଆସି ଏକ ଅଟୋକୁ ଧକ୍କା ଦେଇଥିଲା ଇନ୍ସପେକ୍ଟର ସ୍ନିଗ୍ଧାରାଣୀଙ୍କ କାର୍ ।   ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ହୋଇଥିବାବେଳେ ୬ ଜଣ ଗୁରୁତର ହୋଇଥିଲେ ।