ମାଲିକାଣିଙ୍କ ଠାରୁ ୧୦ ଲକ୍ଷ ଟଙ୍କା ଲୁଟି ନେଲେ ଡ୍ରାଇଭର, ଜାଣନ୍ତୁ କିଭଳି କରିଛନ୍ତି ଠକେଇ

ଭୁବନେଶ୍ୱର: ବିଶ୍ୱାସରେ ବିଷ ଦେଲା ଡ୍ରାଇଭର ।  ମାଲିକାଣୀଙ୍କ ସରଳତାର ସୁଯୋଗ ନେଇ ଆକାଉଣ୍ଟରୁ ଚଳୁ କଲା ପ୍ରାୟ ୧୦ ଲକ୍ଷ ଟଙ୍କା । ଏମିତି ଏକ ଘଟଣା ଘଟିଛି ରାଜଧାନୀ ଭୁବନେଶ୍ୱରର ଚନ୍ଦ୍ରଶେଖରପୁର ଥାନା ଅଧୀନରେ । ଏ ନେଇ ସାଇବାର ଥାନାରେ ଅଭିଯୋଗ ହେବା ପରେ ଅଭିଯୁକ୍ତ ମହାନାକୁ ଗିରଫ କରିବା ସହ ତାଙ୍କ ନିକଟରୁ ୨ଟି ମୋବାଇଲ ଫୋନ, ୩ଟି ସିମ, ୪ଟି ବ୍ୟାଙ୍କ ପାସବୁକ,  ୩ଟି ଏଟିଏମ କାର୍ଡ, ଗୋଟିଏ ଡେବିଟ କାର୍ଡ ଏବଂ ଆଧାରକାର୍ଡ ଜବତ କରିଛି ସାଇବର ଥାନା ପୋଲିସ ।

ସୂଚନା ଅନୁସାରେ ଗୌରୀ ଦାସ ନାମକ ଜଣେ ମହିଳାଙ୍କ ଘରେ ଡ୍ରାଇଭର ଭାବେ କାର୍ଯ୍ୟ କରୁଥିଲେ । କୌଶଳ କ୍ରମେ ଫୋନ ପେ’ ମାଧ୍ୟମରେ ଗୌରୀଙ୍କ ଆକାଉଣ୍ଟରୁ ୯.୯୫ ଲକ୍ଷ ଟଙ୍କା ନିଜ ପତ୍ନୀ ଏବଂ ମାଆଙ୍କ ଆକାଉଣ୍ଟକୁ ପଠାଇଥିବା ସୂଚନା ମିଳିଛି । ଗୌରୀଙ୍କ ଭାଇ ଅଭିଯୋଗ କରିବା ପରେ ସାଇବର ଥାନା ପୋଲିସ ଅଭିଯୁକ୍ତ ଡ୍ରାଇଭରକୁ ଗିରଫ କରିଛି ।

ଏଥିସହିତ ପଢ଼ନ୍ତୁ: ବିଜେଡିରେ ମିଶିଲେ ସାଂସଦ ଅପରାଜିତାଙ୍କ ନୋମିନି