ବସରେ ଦୀପ ଜାଳିଥିଲେ, ଜୀବନ୍ତ ଦଗ୍ଧ ହେଲେ ଡ୍ରାଇଭର ଓ କଣ୍ଡକ୍ଟର
ରାଞ୍ଚି: ରାଞ୍ଚି ଲୋଅର ବଜାର ଥାନା ସ୍ଥିତ ଖାଦଗଢା ବସଷ୍ଟାଣ୍ଡରେ ଜଣେ ଡ୍ରାଇଭର ଓ କଣ୍ଟକ୍ଟରଙ୍କ ମୃତ୍ୟୁ ହୋଇଛି । ଦୀପାବଳି ରାତିରେ ବସରେ ଦୀପ ଜଳାଇବା ଯୋଗୁଁ ଦୁହେଁ ଜୀନ୍ତ ଦଗ୍ଧ ହୋଇଯାଇଛନ୍ତି ।
ସୂଚନା ଅନୁଯାୟୀ, ଦୖେନନ୍ଦିନ ପରି ଦୀପାବଳି ଦିନ ମଧ୍ୟ ସମସ୍ତ କାର୍ଯ୍ୟ ସାରି ଗନ୍ତବ୍ୟ ପଥକୁ ଯିବାର ଥିଲା । ଯାହା ଫଳରେ ଡ୍ରାଇଭର ଓ କଣ୍ଡକ୍ଟର ଦୀପାବଳି ପାଇଁ ଗାଡ଼ି ଭିତରେ ଭଗବାନଙ୍କୁ ପୂଜାର୍ଚ୍ଚନା କରିଥିଲେ । ଏହା ପରେ ଠାକୁରଙ୍କ ସାମ୍ନାରେ ଦୀପ ଜଳାଇଥିଲେ । ପରେ ଖାଇପିଇ ଦୁହେଁ ଶୋଇ ପଡିଥିଲେ ।
କିନ୍ତୁ ଦୁର୍ଭାଗ୍ୟବଶତଃ ଦୀପର ନିଆଁ ଲାଗି ଜଳିଯାଇଥିଲା ପୂରା ବସ୍ । ଦେଖୁଦେଖୁ ନିଆଁ ମାଡ଼ିଯାଇଥିଲା ଏବଂ ଜୀବନ୍ତ ଦଗ୍ଧ ହୋଇଯାଇଥିଲେ ବସ୍ ଡ୍ରାଇଭର୍ ଓ କଣ୍ଡକ୍ଟର । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିବା ବେଳକୁ ସବୁ ସରିଯାଇଥିଲା ।
ତେବେ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ପୋଷ୍ଟମଟର୍ମ ପାଇଁ ପଠାଇଛି ।
