ମଦ ପିଇଲେ ଇଂରାଜୀ କହିବା ଦକ୍ଷତା ବଢେ !

ନୂଆଦିଲ୍ଲୀ: ମଦ୍ୟପାନ କରିବା ଦ୍ୱାରା କିଡନୀ, ଯକୃତ ଓ ହାର୍ଟକୁ କ୍ଷତି ପହଞ୍ଚାଇଥାଏ । କିନ୍ତୁ ଏମିତି କିଛି ଜିନିଷ ଅଛି ଯାହା ମଦ୍ୟପାନ କରିବା ଦ୍ୱାରା ଫାଇଦା ମିଳିଥାଏ । କରାଯାଇଥିବା ଏକ ଅଧ୍ୟୟନରୁ ଜଣାପଡ଼ିଛି ଯେ ଯଦି ଜଣେ ବ୍ୟକ୍ତି ମଦ୍ୟପାନ କରେ ତାହାଲେ ସେ ଅନ୍ୟ ଭାଷା ତଥା ବିଦେଶୀ ଭାଷା କହିବା ଆରମ୍ଭ କରେ । ପୂର୍ବରୁ ସେ ବ୍ୟକ୍ତି ଜଣକ ସେ ଭାଷା ଜାଣିନଥିଲେ ମଧ୍ୟ ମଦ୍ୟପାନ ପରେ ଭଲ କହିବା ଆରମ୍ଭ କରେ । ଭାରତରେ ଏହା ଇଂରାଜୀ ଭାଷା ହୋଇପାରେ । ଅର୍ଥାତ ଭାରତରେ ଯେଉଁମାନେ ହିନ୍ଦୀ କୁହନ୍ତି, କିନ୍ତୁ ସେମାନେ ମଦ୍ୟପାନ କରିବା ପରେ ଭଲ ଇଂରାଜୀ କହିବା ଆରମ୍ଭ କରନ୍ତି । ଏହି ଅଧ୍ୟୟନ ସାଇକୋଫାରମାକୋଲୋଜି ପତ୍ରିକାରେ ପ୍ରକାଶିତ ହୋଇଛି । ଏହି ଅଧ୍ୟୟନ ଲିଭରପୁଲ୍ ବିଶ୍ୱବିଦ୍ୟାଳୟ, ମାଷ୍ଟ୍ରିଚ୍ ବିଶ୍ୱ ବିଦ୍ୟାଳୟ ଏବଂ କିଙ୍ଗ୍ କଲେଜ୍ ଲଣ୍ଡନର ଅନୁସନ୍ଧାନକାରୀଙ୍କ ଦ୍ୱାରା ମିଳିତ ଭାବରେ କରାଯାଇଛି ।

ସାଇନ୍ସ ଡେଲୀ ପ୍ରକାଶିତ ଏହି ଅଧ୍ୟୟନ ଅନୁଯାୟୀ ଆମେ ଜାଣିଛୁ ଯେ ଇଂରାଜୀ କିମ୍ବା ବିଦେଶୀ ଭାଷା କହିବା ପାଇଁ ବୈଦ୍ଧିକ ଦକ୍ଷତାରେ ସଚେତନ ହେବା ଆବଶ୍ୟକ । ଏଭଳି ପରିସ୍ଥିତିରେ ଆମମାନଙ୍କ ମନରେ ଏକ ଧାରଣ ଥିଲା କି ମଦ୍ୟପାନ ବୈଦ୍ଧିକ କ୍ଷମତାକୁ ନଷ୍ଟ କରିଥାଏ । କିନ୍ତୁ ଏହି ଅଧ୍ୟୟନରେ ଏହାର ବିପରୀତ ଫଳ ବାହାରିଛି । ଅଧ୍ୟୟନରୁ ଜଣାପଡ଼ିଛି ଯେ ମଦ୍ୟପାନ ଆତ୍ମବିଶ୍ୱାସକୁ ବହୁଗୁଣିତ କରିଥାଏ । ଏହା ସହିତ ମଦ୍ୟପାନ କରିବା ପରେ ବହୁତ ଲୋକଙ୍କୁ ଦେଖିବା ପରେ ଯେଉଁ ଭୟଭୀତ ହୋଇଥାଏ ତାହା ମଧ୍ୟ ଦୂର ହୋଇଥାଏ । ଏହି ଦୁଇଟିର ପ୍ରଭାବ ହେତୁ, ଯେତେବେଳେ ଅନ୍ୟ ଲୋକଙ୍କ ସହ କଥାବାର୍ତ୍ତା ହୁଏ । ସେତେବେଳେ ଅନ୍ୟ ଭାଷା କହିବାର କ୍ଷମତା ମଧ୍ୟ ବଢ଼ିଥାଏ । ତେବେ ଏହା ପରେ ଯେତେବେଳେ ମଦ ନିଶା ଭାଙ୍ଗି ଥାଏ, ସେତେବେଳେ ବ୍ୟକ୍ତି ଅନୁଭବ କରେ ଯେ ତାଙ୍କର ଦ୍ୱିତୀୟ ଭାଷା ବହୁତ ଉନ୍ନତି ହୋଇଛି ।

ଅନୁସନ୍ଧାନକାରୀମାନେ ଏହାକୁ ନେଦରଲାଣ୍ଡ୍ସ କିଛି ଜର୍ମାନ ମାତୃଭାଷା ଲୋକଙ୍କ ଉପରେ ପରୀକ୍ଷା କରିଥିଲେ । ଏହି ଲୋକମାନେ ଡଚ୍ ବିଶ୍ୱ ବିଦ୍ୟାଳୟରେ ପଢ଼ୁଥିଲେ । ଏଥିପାଇଁ ସେ ଏହି ଲୋକଙ୍କୁ ଅଳ୍ପ ପରିମାଣରେ ମଦ୍ୟପାନ କରାଇଥିଲେ । ଏହି ଲୋକମାନେ ସମସ୍ତେ ଜର୍ମାନ ଭାଷାରେ କଥା ହେଉଥିଲେ ଏବଂ ଡଚ୍ ଭାଷା ଶିଖୁଥିଲେ । କିନ୍ତୁ ମଦ୍ୟପାନ କରିବା ପରେ ଡଚ୍ ଭାଷାରେ ଭଲରେ କଥା ହୋଇଥିଲେ ।