ପୋଲିସକୁ ଜୀବନରୁ ମାରିଦେବାକୁ ଚୋରଙ୍କ ଉଦ୍ଯମ, ସିସିଟିଭିରେ କଏଦ ଦୃଶ୍ୟ…

ଖଲ୍ଲିକୋଟ: ଚୋର ପୋଲିସ ଛକାପଞ୍ଝା । ପୋଲିସକୁ ଜୀବନରୁ ମାରିଦେବାକୁ ଚୋରଙ୍କ ଉଦ୍ଯମ। ପୋଲିସ ଗାଡ଼ିକୁ ଟ୍ରକ ଦ୍ବାରା ଜୋରରେ ଧକ୍କା ଦେଇ ପୋଲିସ ଅଧିକାରୀଙ୍କୁ ମାରିବାକୁ ଉଦ୍ଯମ। ନନ୍ଦିଘୋଷ ଟିଭି ହାତରେ ଲାଗିଛି ଏହାର ଏକ୍ସକ୍ଲୁସିଭ ସିସିଟିଭି ଫୁଟେଜ। ପୋଲିସ ଅଟକାଇବା ବେଳେ ଦେଖନ୍ତୁ କିପରି ଖସିଯାଉଛନ୍ତି ଦୁର୍ବୃତ୍ତ ।

ଗଞ୍ଜାମ ଖଲ୍ଲିକୋଟ ଥାନା ଅଧୀନରେ ଘଟିଛି ଏହି ଘଟଣା। ଗତକାଲି ବିଳମ୍ବିତ ରାତିରେ ଗୋଟିଏ ଟ୍ରକରେ କିଛି ଦୁର୍ବୃତ୍ତ ଜାତୀୟ ରାଜପଥରେ ଯିବା ଆସିବା କରୁଥିବା ଟ୍ରକଗୁଡିକରୁ ଡିଜେଲ ଚୋରି କରୁଥିଲେ । ଏହି ଟ୍ରକକୁ ଜବତ କରିବା ପାଇ ଭେଜିପୁଟ ଫାଣ୍ଡି ଅଧିକାରୀ ପିଛା କରିଥିଲେ। ପୋଲିସ ଦୁର୍ବୃତ୍ତଙ୍କୁ ଧରିବା ପାଇଁ ପିଛା କରୁଥିବା ବେଳେ ଦୁର୍ବୃତ୍ତମାନେ ପୋଲିସ ଗାଡି ଉପରେ ଟ୍ରକ ଚଢାଇ ଦେଇଥିଲେ । ହେଲେ ଅଳ୍ପକେ ବର୍ତ୍ତିଯାଇଛନ୍ତି ଖଲ୍ଲିକୋଟ ଥାନା ଭେଜିପୁଟ ଫାଣ୍ଡି ପୋଲିସ ଅଧିକାରୀ।

ଟ୍ରକକୁ ଧରିବା ପାଇଁ ଖଲ୍ଲିକୋଟ ପୋଲିସ ସମେତ ରମ୍ଭା ପୋଲିସ ପିଛା କରୁଥିଲା। ଶେଷରେ ଟ୍ରକ ସହ ଏକ ମାରଣାସ୍ତ୍ର ଜବତ କରାଯାଇଥିଲେ ମଧ୍ୟ ଦୁର୍ବୃତ୍ତମାନେ ଫେରାର ହୋଇଯାଇଥିଲେ। ପୋଲିସ ଗାଡିଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ପୋଲିସ ଏକ ମାମଲା ରୁଜୁକରି ତଦନ୍ତ ଆରମ୍ଭ କରିଛି ।