ତାମିଲ୍ସାଇ ସୌନ୍ଦରାଜନ୍ ହେଲେ ପୁଡୁଚେରୀର ଉପରାଜ୍ୟପାଳ

ପୁଡୁଚେରୀ: ପୁଡୁଚେରୀ ଉପରାଜ୍ୟପାଳ ପଦବୀରୁ କିରଣ ବେଦୀଙ୍କୁ ଅଚାନକ ପ୍ରତ୍ୟାହାର କରାଯିବା ପରେ ତେଲେଙ୍ଗାନା ରାଜ୍ୟପାଳଙ୍କୁ କାର୍ଯ୍ୟକାରୀ ଉପରାଜ୍ୟପାଳ ଭାବେ ଦାୟିତ୍ୱ ଦିଆଯାଇଛି। ରାଷ୍ଟ୍ରପତିଙ୍କ କାର୍ଯ୍ୟାଳୟ ପକ୍ଷରୁ ଜାରି ନିର୍ଦେଶନାମା ଅନୁସାରେ ତାମିଲ୍ସାଇ ସୌନ୍ଦରାଜନ୍ ଙ୍କୁ ହାଇଦ୍ରାବାଦସ୍ଥିତ ରାଜଭବନ ପରିସରରେ ପୁଡୁଚେରୀର ରେସିଡେନ୍ସ କମିଶନ ସମ୍ପୃକ୍ତ ନିଯୁକ୍ତିପତ୍ର ପ୍ରଦାନ କରିଛନ୍ତି।

ମଙ୍ଗଳବାର ରାତିରେ କିରଣ ବେଦୀଙ୍କୁ ଦାୟିତ୍ୱରୁ ଅପସାରଣ କରାଯାଇଥିଲା। ନିର୍ବାଚନ ପାଖେଇ ଆସୁଥିବା ବେଳେ ସେଠାରେ ରାଜନୀତି ଅସ୍ଥିରତା ସୃଷ୍ଟି ହୋଇଥିଲା। ଏଥିଲାଗି ରାଜ୍ୟପାଳଙ୍କୁ ଶାସକ କଂଗ୍ରେସ ଦାୟୀ କରିଥିଲା।ଏହାପରେ ରାଷ୍ଟ୍ରପତିଙ୍କ କାର୍ଯ୍ୟାଳୟରୁ ରାଜ୍ୟପାଳ କିରଣଙ୍କୁ ପଦବୀରୁ ହଟାଇ ନିଆଯାଇଥିବା ନେଇ ସୂଚନା ପ୍ରକାଶ ପାଇଥିଲା।