‘୨୧ବର୍ଷର ଶାସନରେ ୪ବର୍ଷ ବିଏମ୍ସି କମିଶନର ଥିଲେ ଅପରାଜିତା’
ଲଘୁଚାପ ବର୍ଷା ଯୋଗୁ ଭୁବନେଶ୍ୱର ତଳି ଅଞ୍ଚଳରେ ପାଣି ଜମିବା ନେଇ ସାଂସଦ ଅପରାଜିତା ଷଡ଼ଙ୍ଗୀଙ୍କୁ ପୂର୍ବତନ ମନ୍ତ୍ରୀ ଡା. ଦାମୋଦର ରାଉତଙ୍କ କଟାକ୍ଷ । ସେ କହିଛନ୍ତି, ବିଜେଡିର ୨୧ ବର୍ଷ ଶାସନରେ ବିଜେପି ୯ ବର୍ଷ ଭାଗୁଆଳି ଥିଲା। ବିଜେପିର ସମୀର ଦେ ନଗର ଉନ୍ନୟନ ମନ୍ତ୍ରୀ ଥିଲେ। ଅପରାଜିତା ଷଡ଼ଙ୍ଗୀ ୪ ବର୍ଷ ଧରି ଭୁବନେଶ୍ୱର ମହାନଗର ନିଗମର କମିଶନର ଥିଲେ। ସେତେବେଳେ ସେ କଣ କରୁଥିଲେ ବୋଲି ଦାମ ପ୍ରଶ୍ନ କରିଛନ୍ତି । ସତ୍ୟର ଅପଳାପ କରୁଛନ୍ତି ଅପରାଜିତା। ଲଘୁଚାପ ବର୍ଷା ସବୁଆଡେ ହେଉଛି। ଦିଲ୍ଲୀ ବିମାନବନ୍ଦରରେ ବି ପାଣି ପଶିଛି । ସାଂସଦ ମହାଶୟା ଏଥିପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ସମାଲୋଚନା କରିବେ କି? ଅନ୍ୟକୁ ସମାଲୋଚନା କରିବା ପୂର୍ବରୁ ସାଂସଦ ଅପରାଜିତା ମହାଶୟା ଆତ୍ମସମୀକ୍ଷା କରିବା ଉଚିତ ବୋଲି ଦାମୋଦର ରାଉତ କହିଛନ୍ତି ।
ଏଥିସହିତ ପଢ଼ନ୍ତୁ: ଶସ୍ତା ରାଜନୀତିରୁ ଦୁରେଇ ରହିବାକୁ ସାଂସଦ ଅପରାଜିତା ଷଡ଼ଙ୍ଗୀଙ୍କୁ ବିଜେଡିର ପରାମର୍ଶ
