ଅନ୍ତର୍ଜାତୀୟ ମହିଳା ଦିବସ ପାଇଁ ଡକ୍ଟର ଅଗ୍ରୱାଲ୍ସ ଆଇ ହସପିଟାଲ ପକ୍ଷରୁ ମାଗଣା ଚକ୍ଷୁ ପରୀକ୍ଷା ବ୍ୟବସ୍ଥା

ଭୁବନେଶ୍ୱର : ସାରା ବିଶ୍ୱରେ ମାର୍ଚ୍ଚ ୮କୁ ଅନ୍ତର୍ଜାତୀୟ ମହିଳା ଦିବସ ଭାବେ ପାଳନ କରାଯାଉଛି । ଏହି ଅବସରରେ ଭାରତର ସର୍ବବୃହତ ଚକ୍ଷୁ ଚିକିତ୍ସାଳୟ ଡକ୍ଟର ଅଗ୍ରୱାଲ୍ସ ଆଇ ହସ୍ପିଟାଲ୍ ପକ୍ଷରୁ ଚକ୍ଷୁ ପରୀକ୍ଷା ଶିବିରର ଆୟୋଜନ କରାଯାଇଛି । ଯାହା ମାର୍ଚ୍ଚ ୧୫ ତାରିଖ ପର୍ଯ୍ୟନ୍ତ ଓଡ଼ିଶାର ସମସ୍ତ ଶାଖାରେ ସମସ୍ତ ବୟସବର୍ଗର ମହିଳାଙ୍କ ପାଇଁ ଉପଲବ୍ଧ ହେବ।

ଗର୍ଭାବସ୍ଥା ଜନିତ ଉଚ୍ଚ ରକ୍ତଚାପ, ମେନୋପୋଜ୍ ଏବଂ ପେରିମେନୋପୋଜ ଜନିତ ଦୃଷ୍ଟି ସମସ୍ୟା ତଥା ଅନ୍ୟ ସାଧାରଣ ଚକ୍ଷୁ ରୋଗ ଏବଂ ଆଇ ସ୍କ୍ରିନିଂ ପାଇଁ ଡାକ୍ତରଖାନା ପକ୍ଷରୁ ସ୍ୱତନ୍ତ୍ରବ୍ୟବସ୍ଥା କରାଯାଇଛି । ମାଗଣା ଚକ୍ଷୁ ପରୀକ୍ଷା ପାଇଁ ମହିଳା ମାନେ ୯୫୯୪୯୨୪୧୦୨ ନଂରେ ଆଗୁଆ ପଞ୍ଜୀକରଣ ମଧ୍ୟ କରିପାରିବେ ।

ପୁରୁଷ ଏବଂ ମହିଳାଙ୍କ ଆଖିରେ ଗଠନ ଠାରୁ ଆରମ୍ଭ କରି ଜିନ୍ ଅଭିବ୍ୟକ୍ତି ଏବଂ ଅନ୍ୟାନ୍ୟ ଅଭିପ୍ରାୟରେ ପାର୍ଥକ୍ୟ ଥାଏ ।ବାୟୋଲୋଜି, ହରମୋନ୍ ଏବଂ ଜୀବନର ପର୍ଯ୍ୟାୟ ବା ଘଟଣା ଭଳି ବିଭିନ୍ନ କାରଣ ପ୍ରଭାବିତ କରିପାରେ ଏବଂ କେତେକ କ୍ଷେତ୍ରରେ ମହିଳାମାନେ କେତେକ ଦୃଷ୍ଟି ସମସ୍ୟା ପାଇଁ ଅଧିକ ସମ୍ବେଦନଶୀଳ ହୋଇପାରନ୍ତି । ଉଦାହରଣସ୍ୱରୁପ, କେତେକ କ୍ଷେତ୍ରରେ, ଗର୍ଭାବସ୍ଥା ଜନିତ ଉଚ୍ଚ ରକ୍ତଚାପରେ ପୀଡ଼ିତ ମହିଳାମାନଙ୍କର ଦୃଷ୍ଟି ଶକ୍ତି ଅସ୍ପଷ୍ଟ ହେବା, କ୍ରମାଗତ ଦୃଷ୍ଟି ଶକ୍ତି ହ୍ରାସ, ଡବଲ ଭିଜନ୍, ଆଂଶିକ ଦୃଷ୍ଟି ଶକ୍ତି ହ୍ରାସ ଏବଂ ଅନ୍ୟକୌଣସି ସାଧାରଣ ଦୃଶ୍ୟ କ୍ଷେତ୍ରରେ ବ୍ଲାଇଣ୍ଡ ସ୍ପଟ୍ ସମସ୍ୟା ଦେଖା ଦେଖାଦେଇଥାଏ ।

ଡକ୍ଟର ଅଗ୍ରୱାଲ୍ସ ଆଇ ହସ୍ପିଟାଲ୍ ପକ୍ଷରୁ ଏହି ଶିବିରରେ ଚକ୍ଷୁ ରୋଗର ବିପଦକୁ କମ୍ କରିବା ପାଇଁ ମହିଳାମାନେ କ’ଣ ପଦକ୍ଷେପ ନେଇପାରିବେ ସେ ସମ୍ପର୍କରେ ଅଧିକ ସଚେତନତା କରାଯିବ । ସମଗ୍ର ଓଡ଼ିଶାରେ ଏହି ହସ୍ପିଟାଲର ମାଗଣା ଚକ୍ଷୁ ପରୀକ୍ଷା ଏବଂ ସଚେତନତା ଅଭିଯାନ ମହିଳାମାନଙ୍କୁ ବିପଦ ବିଷୟରେ ସଚେତନ କରାଇବ ସହ ଶୀଘ୍ର ରୋଗ ନିରୂପଣ ଏବଂ ଏହାର ପ୍ରତିକାର ସମ୍ପର୍କରେ ଲୋକଙ୍କୁ ବୁଝାଯିବ ।