ପାର୍ବଣରେ ଇଲେକଟ୍ରୋନିକ୍ସ ଦୋକାନରେ ଗ୍ରାହକଙ୍କୁ ଡବଲ ଅଫର। ଜିଏସଟି ପ୍ରତିଶତ ହ୍ରାସ ସାଙ୍ଗକୁ ପୂଜାରେ ମିଳିବ ଗିଫ୍ଟ । ଏବେଠାରୁ ବୁକିଂ କଲେ ବି ୧୮% ଜିଏସିଟ ହ୍ରାସରେ ମିଳିବ ସାମଗ୍ରୀ। ଟିଭି, ଏସି ଓ ଡିସ-ୱାସର୍ସ ଉପରେ ଜିଏସଟି ୨୮ ରୁ ୧୮ %କୁ ହ୍ରାସ ହେଲା ପରେ ବି ଗ୍ରାହକ ମାନେ କିଣିବା ପାଇଁ ୨୨ ତାରିଖକୁ ଅପେକ୍ଷା କରିଛନ୍ତି । କିନ୍ତୁ ତା ପୂର୍ବରୁ ରାଜ୍ ଇଲେକଟ୍ରୋନିକ୍ସ ଗ୍ରାହକ ମାନଙ୍କ ପାଇଁ ନେଇ ଆସିଛି ସ୍ବତନ୍ତ୍ର ସୁବିଧା । ୨୨ ତାରିଖ ପୂର୍ବରୁ ଏ ସବୁ ସାମଗ୍ରୀ କିଣିବେ କିମ୍ବା ବୁକିଂ କଲେ ବି ୨୮ ନୁହଁ ୧୮ ପ୍ରତିଶତ ଜିଏସଟି ଉପରେ କିଣିପାରିବେ। ଏବେ ବୁକିଂ କଲେ ଆଗକୁ ଭିଡ଼ରୁ ବର୍ତ୍ତିବେ। ଆଜି ବି କିଣିଲେ ୨୨ ତାରିଖର ଜିଏସଟି ବିଲିଂ ପାଇବେ । ପୂର୍ବରୁ ୪୩ ଇଞ୍ଚିଆରୁ ଅଧିକ ଟିଭି ଉପରେ ୨୮ ପ୍ରତିଶତ ଲାଗି ୨୬ ହଜାର ଟଙ୍କା ପଡୁଥିଲା । ଏବେ ୧୮ ପ୍ରତିଶତ ଜିଏସଟି ହ୍ରାସ ପାଇବା ପରେ ୨୩ ହଜାର ଟଙ୍କା ପଡୁଛି। ସେହିଭଳି ଏସି ୩୫ ହଜାର ପଡୁଥିବା ବେଳେ ଏବେ ୨୯ ହଜାର ୫୦୦ ପଡିବ। ସେହିଭଳି ଡିସ ୱାସର୍ସ ଗୁଡିକ ୫୪ ହଜାର ପଡୁଥିବା ବେଳେ ଏବେ ୩୯, ୬୦୦ ଟଙ୍କା ପଡିବ। ଆଗକୁ ପୂଜା ଆସୁଥିବାରୁ ରାଜ୍ ଇଲୋଟ୍ରନିକ୍ସ ପକ୍ଷରୁ ଦୁର୍ଗାପୂଜାରୁ ଦୀପାବଳୀ ପର୍ଯ୍ୟନ୍ତ ପ୍ରତ୍ୟେକ ସାମଗ୍ରୀ ଉପରେ ଗିଫ୍ଟ ଭାଉଚର ରହିବ ବୋଲି ମ୍ୟାନେଜିଙ୍ଗ ପାର୍ଟନର କହିଛନ୍ତି ।
ସେପଟେ ଏ ହେଉଛି ପାତ୍ର ଇଲେକଟ୍ରୋନିକ୍ସ । ଜିଏସଟି ଘୋଷଣା ହେବା ପରେ ବେପାର ମାନ୍ଦା ପଡିଛି। ଆସନ୍ତା ୨୨ ତାରିଖ ଠାରୁ ଇଲେକ୍ଟ୍ରି ପ୍ରଡକ୍ଟ ଉପରେ ୧୮ ପ୍ରତିଶତ ହ୍ରାସ ହେବା ନେଇ ଲୋକଙ୍କ ମନରେ ଦ୍ବନ୍ଦ ରହିଛି। ସମସ୍ତ ସାମଗ୍ରୀ ଉପରେ ନୁହେଁ ୩୨ ଇଞ୍ଚିଆରୁ ଉର୍ଦ୍ଦ ଏଲଇଡି ଟିଭି, ଏସି ଓ ଡିସ ୱାସ ଉପରେ ହିଁ ଜିଏସଟି କମିଛି। ପ୍ରତିଦନ ଗ୍ରାହକ ଆସୁଛନ୍ତି, ହେଲେ କେହି ବି ସାମଗ୍ରୀ କିଣୁନାହାନ୍ତି। ଜିଏସଟି ଘୋଷଣା ହେବା ପୂର୍ବରୁ ପ୍ରତିଦିନ ୧୦ ଲକ୍ଷ ଟଙ୍କାର କାରବାର ହେଉଥିବା ବେଳେ ଏବେ ୨ରୁ ୩ ଲକ୍ଷ ଟଙ୍କାର କାରବାର ହେଉଛି ବୋଲି ମ୍ଯାନେଜର କହିଛନ୍ତି।
