ଗୁଣି ସନ୍ଦେହରେ ବଣାଇରେ ଡବଲ ମର୍ଡର

ବଣାଇ: ସୁନ୍ଦରଗଡ଼ ବଣାଇ କେ. ବଲାଙ୍ଗ ଥାନା ଲଙ୍ଗଳକଟା ଗାଁରେ ଡବଲ ମର୍ଡର । ଓଡ଼ିଶା ଝାଡ଼ଖଣ୍ଡ ସୀମାନ୍ତ ଲଙ୍ଗଳକଟା ଗାଁର କଦମସୋଜା ବସ୍ତିରେ ବୃଦ୍ଧ ଦମ୍ପତିଙ୍କୁ ଟାଙ୍ଗିଆରେ ହାଣି ବୀଭତ୍ସ ଭାବେ ହତ୍ୟା କରାଯାଇଛି । ପୋଲିସ ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି । ଲଙ୍ଗଳକଟା ଗ୍ରାମର କଦମସଜା ବସ୍ତିରେ ଏକମାତ୍ର ଘର ଥିବାବେଳେ ସେଠାରେ ୬୫ ବର୍ଷୀୟ ପର ମୁଣ୍ଡା ଏବଂ ସ୍ତ୍ରୀ ମାକଦାଲି ରହୁଥିଲେ ।

ତାଙ୍କର ତିନିଜଣ ପୁଅ ଝାଡ଼ଖଣ୍ଡ ଅଞ୍ଚଳରେ ରହନ୍ତି । ଏକୁଟିଆ ରହୁଥିବାରୁ ତାଙ୍କ ହତ୍ୟା ସମ୍ପର୍କରେ ନିକଟସ୍ଥ ଗ୍ରାମବାସୀ ବିଳମ୍ବରେ ଜାଣିବାକୁ ପାଇଥିଲେ । ତେବେ ଏହି ହତ୍ୟାକାଣ୍ଡରେ ଗାଁର ଶୁକ୍ରା ମୁଣ୍ଡାର ସମ୍ପୃକ୍ତି ଥିବା ପୋଲିସ ନିକଟରେ ଅଭିଯୋଗ କରିଛନ୍ତି ସ୍ଥାନୀୟ ଲୋକେ । ଏହି ଘଟଣା ପରେ ଶୁକ୍ରା ଫେରାର୍ ଅଛି । ଗୁଣି ଗାରେଡ଼ିରୁ ଏଭଳି ହତ୍ୟାକାଣ୍ଡ ଘଟାଇଥିବା ଲୋକେ ସନ୍ଦେହ କରୁଛନ୍ତି ।