ଜମି ବିବାଦକୁ ନେଇ ଦାଦା-ଖୁଡ଼ୀଙ୍କୁ ହତ୍ୟା କଲା ପୁତୁରା, ହାଣି କୂଅରେ ଫିଙ୍ଗିଦେଲା

ବଲାଙ୍ଗିର: ବଲାଙ୍ଗିରରେ ଡବଲ୍‌ ମର୍ଡର । ଜମି ବିବାଦକୁ ନେଇ ଦାଦା-ଖୁଡ଼ୀଙ୍କୁ ହତ୍ୟା କଲା ପୁତୁରା । ବଙ୍ଗୋମୁଣ୍ଡା କୁଟ୍ରାବେଡା ଗାଁରେ ଘଟିଛି ଏ ବିଭତ୍ସ ହତ୍ୟାକାଣ୍ଡ । ଧାରୁଆ ଅସ୍ତ୍ରରେ ହତ୍ୟାପରେ  ମୃତଦେହ କୂଅକୁ ଫିଙ୍ଗି ଦେଇଥିଲା ପୁତୁରା । ଆଜି ସକାଳୁ ମୃତଦେହ ଉଦ୍ଧାର କରାଯାଇଛି । ଅଭିଯୁକ୍ତ ପୁତୁରାକୁ ଅଟକ ରଖି ପଚରାଉଚୁରା କରୁଛି ପୋଲିସ ।

ସୂଚନା ଅନୁଯାୟୀ, ଜମି ବିବାଦକୁ ନେଇ ଦାଦା-ଖୁଡ଼ୀଙ୍କ ସହ ପୁତୁରାର ବହୁ ସମୟରେ କଳହ ଲାଗିରୁହେ । ଗତ କାଲି ମଧ୍ୟ ସେମାନଙ୍କ ମଧ୍ୟରେ ସେହିଭଳି ଝଗଡ଼ା ଲାଗିଥିଲା । ଝଗଡ଼ା ଉଗ୍ର ରୂପ ନେବାରୁ ପୁରୁରା ଉତ୍ୟକ୍ତ ହୋଇ ଏକ ଧାରୁଆ ଅସ୍ତ୍ରରେ ଦୁଇ ଜଣଙ୍କ ଉପରକୁ ଆକ୍ରମଣ କରିଥିଲା । ଦୁଇ ଜଣଙ୍କୁ ହାଣିବା ପରେ ତାଙ୍କୁ ଏକ କୂଅ ମଧ୍ୟକୁ ଫିଙ୍ଗି ଦେଇଥିଲା । ତେବେ ଅଭିଯୋଗ ପରେ ପୋଲିସ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତକୁ ଅଟକ ରଖିବା ପରେ କୂଅ ମଧ୍ୟରୁ ସ୍ୱାମୀ ସ୍ତ୍ରୀଙ୍କ ମୃତ ଦେହକୁ ଉଦ୍ଧାର କରିଛି ।